હેલ્થ ટિપ્સ / ખાવાનું ખાધા બાદ ભૂલથી પણ ન કરશો આ ભૂલો નહીં તો થઈ શકે છે મોટું નુકસાન

• ખાવાનું ખાધા બાદ બદલી લો આ આદત
• જો કરશો આ ભૂલો તો થશે નુકસાન
• ખાવાનું ખાધા બાદ કરો થોડી કસરત

ખાવાનું ખાઈ લીધા બાદ કેટલાક નિયમોનું પાલન જરૂરી છે. જો તમે આવું નહીં કરો તો તમને મોટું નુકસાન થઈ શકે છે. તો જાણો જમ્યા બાદ તરત જ શું ન કરવું જેથી તમારી હેલ્થ સારી રહે.

તરત જ સૂવું નહીં

અનેક લોકોની આદત હોય છે કે તેઓ જમ્યા બાદ તરત જ સૂઈ જાય છે. આ તેમના માટે ખતરનાક સાબિત થાય છે. ઊંઘ પાચનક્રિયામાં બાધા ઉત્પન્ન કરે છે. જમ્યા બાદ સૂવાથી પેટ ફૂલવું, પીડા, શરીરના દર્દની સંભાવના રહે છે. 

ના કરો વ્યાયામ

જમ્યા બાદ તરત જ કસરત કરવી નહીં. ખાવાનું ખાધા બાદ જિમ કે વર્કઆઉટ કરવાથી તમને બેચેની અને અ સુવિધાનો અનુભવ થાય છે. 

ન પીઓ સિગરેટ

જો તમે ભોજન કર્યા બાદ તરત જ સિગરેટ પીઓ છો તો તે હેલ્થ માટે હાનિકારક હોય છે. નિકોટીન ઓક્સીજનની સાથે પ્રતિક્રિયા કરીને અનેક સમસ્યાઓ જન્માવે છે. તેનાથી આંતરડાના કેન્સરની સંભાવનાઓ વધે છે. 

ફળ ખાવાનું ટાળો

જો તમે જમ્યા બાદ તરત જ પોષક તત્વોથી ભરપૂર ફળ ખાવાનું પસંદ કરો છો તો તે તમને  નુકસાન કરી શકે છે. તેનાથી પાચનક્રિયા પ્રભાવિત થાય છે. ખાલી પેટે કે ભોજન કર્યા બાદ થોડા સમય બાદ ફ્રૂટ ખાવું ફાયદારૂપ રહે છે.

તરત ન્હાઓ નહીં

કહેવાય છે કે ખાવાનું ખાઈ લીધા બાદ તરત જ ન્હાવું નહીં. ભોજન બાદ પાચનતંત્ર કામ કરવાનું શરૂ કરે છે. આમ કરવાથી પાચનક્રિયા ધીમી પડે છે. ભોજન કર્યાના 30-40 મિનિટ બાદ ન્હાવું હેલ્થ માટે સારું રહે છે.  

તરત ચા ન પીઓ

કેટલાક લોકોની આદત હોય છે કે જમીને ચા પીવાની. નોકરી કરનારા લોકો જમ્યા પછી તરત ચા પીએ છે. ચામાં પોલિફિનોલ્સ અને ટેનિંસ જેવા કેમિકલ હોય છે જે શરીરને ભોજનમાંથી મળનારા ન્યુટ્રિઅન્સને ખતમ કરે છે.