એપ્રિલનો મહિનો ચાલી રહ્યો છે અને અત્યારે ઘણા રાજ્યોમાં તાપમાન ઝડપથી વધી રહ્યું છે. ખૂબ જ ગરમીના કારણે શરીરમાં ઘણા પ્રકારની મુશ્કેલીઓ આવી શકે છે. ગરમી તમને ખૂબ જ બીમાર પણ કરી શકે છે. વધતા તાપમાનના કારણે ઘણા પ્રકારની ખતરનાક બીમારીઓ થવાનું રિસ્ક રહે છે. એવામાં જરૂરી છે કે આ સિઝનમાં સ્વાસ્થ્યનું ધ્યાન રાખવામાં આવે.
એક્સપર્ટ્સ જણાવે છે કે ઉનાળામાં સૌથી મોટી સમસ્યા ડિહાઈડ્રેશન એટલે કે શરીરમાં પાણીની કમી હોય છે. ડિહાઈડ્રેશન એટલું ખતરનાક છે કે તેનાથી હાર્ટના ફંક્શન પર પણ અસર પડી જાય છે અને આ કાર્ડિયાક અરેસ્ટનું કારણ પણ બને છે. જેનાતી મોતનો ખતરો વધે છે.
ઉનાળાની ઋતુમાં સૌથી વધારે કેસ ડિહાઈડ્રેશન એટલે કે શરીરમાં પાણીની કમીના આવે છે. હીટ વેવના કારણે થયેલી હીટ સ્ટ્રોકના કારણે પણ એવું થાય છે. હીટ સ્ટોકના કારણે શરીરમાં કમજોરી, અચાનક બેભાન થવું અને થાક જેવી સમસ્યા થવા લાગે છે.
શરીરમાં પાણીની કમી ન થવા દો
હીટ સ્ટ્રોકથી બચવા માટે જરૂરી છે કે શરીરમાં પાણીની કમી ન થવા દો. ઘરથી બહાર જતી વખતે પોતાની સાથે પાણીની બોટલ રાખો અને દર 2 કલાકમાં પાણી પીતા રહો. જો તાપમાં છો તો માથાને કપડાથી કવર કરો. ગોગલ્સ પણ લગાવો. વધારે સમય સુધી તાપમાં ન રહો અને પોતાની ડાયેટમાં તડબૂચ, તેટી જેવા ફળોને શામેલ કરો.
આ બીમારીઓનો પણ રહે છે ખતરો
ફૂડ પોઈઝનિંગ
ઉનાળાની ઋતુમાં પેટ ખરાબ, ઉલ્ટી અને ઝાડા જેવી સમસ્યા વધી જાય છે. ઘણા લોકોને તો સતત ઝાડાની ફરિયાદ પણ રહે છે. આવું ફૂડ પોઈઝનિંગના કારણે થાય છે. ઉનાળામાં આ સમસ્યા ખૂબ જ સામાન્ય છે. આ સિઝનમાં ભોજન જલ્દી ખરાબ થઈ જાય છે. ભોજન પર ઘણા પ્રકારના બેક્ટેરિયા વધવા લાગે છે.
આવું ભોજન ખાવાથી ફૂડ પોઈઝનિંગ થાય છે. તેના કારણે ઉલ્ટી, ઝાડા અને પેટ ખરાબ જેવી સમસ્યા થઈ જાય છે. એવામાં જરૂરી છે કે ગરમીમાં વધારે સમય સુધી રાખી મુકેલુ ભોજન ન કરો. પ્રયત્ન કરો કે બહારના સ્ટ્રીટ ફૂડ ન ખાવ.
ટાઈફોઈડ
ઉનાળામાં ટાઈફોઈડના પણ ઘણા કેસ સામે આવે છે. ખાસ કરીને બાળકોમાં વધારે આવા કેસ જોવા મળે છે. આ બીમારી પણ ખરાબ ભોજનના કારણે થાય છે. ટાઈફોઈડનું કારણ પણ બેક્ટેરિયા છે.
આ બીમારીમાં તવ આવવાની સાથે માથામાં દુખાવો, ઉલ્ટી, ઝાડા અને થાકની સમસ્યા થાય છે. અમુક સમયથી ટાઈફોઈડના કેસ વધી રહ્યા છે. એવામાં આ બીમારીથી બચવું જરૂરી છે. ટાઈફોઈડથી બચાવ માટે પણ તમને વાસી ભોજન અને સ્ટ્રીટ ફૂડ ન ખાવું જોઈએ.
વધુ વાંચો: જો તમે પણ છો આ રોગના દર્દી, તો તમને પણ હોઇ શકે છે લિવર કેન્સરનું જોખમ, આ લક્ષણોથી ઓળખો
આંખોમાં ઈન્ફેક્શન
ઉનાળામાં લૂના કારણે આંખોમાં ઈન્ફેક્શન થઈ શકે છે. વધારે તાપના કારણે આંખોને નુકસાન થાય છે. જો સતત તાપમાં રહો છો તો તેનાથી આંખોમાં સમસ્યા થવાનો ખતરો રહે છે. ઉનાળામાં આંખોને ગરમીથી બચાવવા માટે તમે બહાર નિકળતી વખતે ગોગલ્સ પહેરો અને દિવસમાં ત્રણથી ચાર વખત આંખોને ઠંડા પાણીથી ધોતા રહો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
