લાઇફસ્ટાઇલ ટિપ્સ / શા માટે ઠંડીની સિઝનમાં વધી જાય છે હાર્ટ એટેકના કેસ? આ છે અસલી કારણ, જાણો ઉપાય

• શિયાળામાં વધી જાય છે હાર્ટ એટેકનો ખતરો
• જાણો શું છે તેના પાછળનું સાચુ કારણ? 
• શિયાળામાં ખાસ રાખો હાર્ટ હેલ્થનું ધ્યાન 

શિયાળો શરૂ થતા જ હાર્ટ એટેકના કેસમાં વધારો થવા લાગે છે. પાછલા થોડા દિવસોમાં હાર્ટ એટેકના ઘણા કેસ સામે આવ્યા છે. જેણે લોકોની ચિંતા વધારી દીધી છે. હાર્ટ એટેક કોઈ પણ સિઝનમાં આવી શકે છે. પરંતુ તેનો ખતરો શિયાળામાં વધારે હોય છે. આખરે હાર્ટે એટેક અને ઠંડીની ઋતુનું કનેક્શન શું છે? આવો જાણીએ..

શિયાળામાં કેમ વધે છે હાર્ટ એટેકના કેસ? 
હાર્ટ એટેકના કેસ શિયાળામાં વધે છે તે વાત સાચી છે. તેનું કારણ છે ઓછુ તાપમાન. શિયાળામાં તાપમાન ઓછુ હોવાના કારણે આપણા હાર્ટને બ્લડનો સપ્લાય કરતી નસો સંકોચાઈ જાય છે. તેનાથી હાર્ટ સુધી લોહી ધીરે ધીરે પહોંચે છે. તેના કારણે નસોમાં પ્લોટ ફોર્મેશન થાય છે. એટલે કે નસોમાં લોહી જામી જાય છે. એવામાં બ્લડનો સપ્લાય બરાબર નથી થતો અને હાર્ટ એટેક આવે છે. 

હાર્ટની બીમારી હોય તેવા લોકોએ શિયાળામાં સાવધાન રહેવું જોઈએ. હાર્ટ એટેકથી બચવા માટે પ્રોપર ગરમ કપડા પહેરવા જોઈએ. સવારે અને રાત્રે જ્યારે તાપમાન સૌથી ઓછુ થઈ જાય છે તે સમયે ઘરથી બહાર ન જવું જોઈએ. જો બહાર જાઓ તો પ્રોપર કપડા પહેરીને નિકળો. બોડીને ગર રાખવી જોઈએ અને હેલ્ધી ડાયેટ લેવી જોઈએ. 

ફિઝિકલ એક્ટિવિટી જરૂરી
કાર્ડિયોલોજિસ્ટ અનુસાર હાર્ટને સુરક્ષિત રાખવા માટે ફિઝિકલ એક્ટિવિટી ખૂબ જ જરૂરી છે. તમે દરરોજ 40 મિનિટમાં 4 કિમીનું વોક કરો. તો હાર્ટ એટેકનું જોખમ ઓછુ થઈ શકે છે. તમને હાર્ટની બીમારી હોય તો પણ સામાન્ય વોક તમારા માટે ફાયદાકારક સાબિત થઈ શકે છે. જોકે હાર્ટના દર્દીઓને જીમ ગયા પહેલા ડોક્ટરની સલાહ લેવી જોઈએ.