Health Tips / ચાલતી વખતે મોટાભાગના લોકો કરે છે આ ભૂલો, તમે પણ કરતા હોવ તો આજથી જ સુધારી લેજો

• ચાલતી વખતે તમે તો નથી કરતાને આ ભૂલ? 
• વોકિંગ એક્સરસાઈઝનો એક સારો વિકલ્પ
• વોકિંગના ઘણા ફાયદા 

સ્વસ્થ્ય રહેવા માટે લોકો ઘણા ઉપાય કરે છે. હેલ્ધી ડાયેટથી લઈને વર્કઆઉટ સુધી લોકો ફિટ રહેવા માટે કોઈને કોઈ રીત અપનાવે છે. જોકે વ્યસ્ત લાઈફ હોવાના કારણે ખૂબ મુશ્કેલીથી થોડો સમય મળે છે. એવામાં મોટાભાગના લોકો પોતાને ફિટ રાખવા માટે વોકિંગ કરવાનું પસંદ કરે છે.  

તેને કરવા માટે જીમ જવાની કે ભારે વજન ઉપાડવાની જરૂર નથી. જોકે ખૂબ જ સિંપલ એક્સરસાઈઝ હોવા છતાં લોકો મોટાભાગે ચાલતી વખતે અમુક ભૂલ કરી બેસે છે. જે તમારા સ્વાસ્થ્ય પર નકારાત્મર અસર કરે છે. એવામાં એ જાણવું જરૂરી છે કે એવી કઈ ભૂલો છે જે વોક કરતી વખતે તમારે બિલકુલ પણ ન કરવી જોઈએ. 

ખરાબ પોશ્ચર 
જો તમે ઈચ્છો છો કે તમને વોકિંગનો પુરો ફાયદો મળે તો હંમેશા પોતાના પોશ્ચર પર ધ્યાન રાખો. ચાલતી વખતે સીધુ પોશ્ચર રાખો. એવું કરવાથી શ્વાસ લેવામાં સુધાર થાય છે. પીઠનો સ્ટ્રેસ ઓછો થાય છે અને સામાન્ય રીતે સંતુલનમાં સુધાર થાય છે. 

હાથ સ્વિંગ ન કરવા
ચાલતી વખતે તમારા હાથને સ્વિંગ કરવા વોકિંગની એક સારી રીત છે. વોકિંગ વખતે હાથને સ્વિંગ કરવાથી તમારી ચાલવાની ક્ષમતામાં સુધાર થાય છે. સાથે જ તમને સંતુલન અને લય બનાવી રાખવામાં પણ મદદ મળે છે. જોકે ઘણા લોકો વોકિંગ સમયે આવું નથી કરતા જેનાથી વોકને સંપૂર્ણ ફાયદો તેમને નથી મળી શકતો. 

ખોટા ફૂટવેર 
વોક કરતી વખતે ખોટા ફૂટવેર મુશ્કેલીનું કારણ બની શકે છે અને તમને નુકસાન પણ પહોંચાડી શકે છે. એવામાં પ્રયત્ન કરો કે વોક વખતે તમે સારી ફિટિંગ વાળા ફૂટવેરનો ઉપયોગ કરો. જે આરામદાયક હોય અને જેમાં તમને ચાલવામાં સરળતા રહે. આ પ્રકારે તમને ફોલ્લી અને પગ સાથે સંબંધિત અન્ય સમસ્યાઓ થવાની સંભાવના ઓછી થઈ જશે. 

પાણીની કમી 
વોકિંગ જેવી એક્સરસાઈઝ કરતી વખતે હાઈડ્રેટેડ રહેવું જરૂરી છે. જો તમે ડિહાઈડ્રેશનનો શિકાર છો તો તમને થાક અને મસલ્સમાં મુશ્કેલી આવી શકે છે. એવામાં વોકિંગ વખતે તમારી પાસે પુરતુ પાણી રાખો અને વારંવાર પાણી પીતા રહો. 

ચાલતી વખતે નીચે જોવુ
ઘણા લોકોની આદત હોય છે કે તે ચાલતી વખતે મોબાઈલનો ઉપયોગ કરે છે અથવા તો નીચે પગની તરફ જોવે છે. જોકે આ આદત પણ તમારા પર નકારાત્મક પ્રભાવ કરી શકે છે. આમ કરવાથી તમારી કોડ અને પીઠ પર દબાણ પડી શકે છે. એવામાં પ્રયત્ન કરો કે ચાલતી વખતે સીધુ પોશ્ચર બનાવીને ચાલો.