તમારા કામનું / ગેસના બાટલામાં 200 રૂપિયાની રાહત બાદ હવે પેટ્રોલ ડીઝલના ભાવમાં પણ આવશે ઘટાડો? પેટ્રોલિયમ મંત્રીએ આપ્યા ગુડ ન્યૂઝ

• પેટ્રોલ-ડીઝલની કિંમત ઓછી થઈ શકે છે
• આવતીકાલે પેટ્રોલ પંપ ડીલર્સની બેઠક થશે
• કાચા તેલની કિંમતો સ્થિર રહેશે તો ભાવમાં ઘટાડો થઈ શકે છે

સરકાર તરફથી LPG સિલિન્ડરની કિંમતમાં ઘટાડો કર્યા પછી હવે પેટ્રોલ-ડીઝલની કિંમત ઓછી થઈ શકે છે. મોંઘવારી ઓછી કરવા માટે સરકાર તરફથી અનેક પગલા લેવામાં આવી રહ્યા છે. છેલ્લા છ મહિનાથી તેલ કંપનીઓને પેટ્રોલ-ડીઝલ પર સતત ફાયદો થઈ રહ્યો છે જેથી ગ્રાહકોને તેનો લાભ આપવા બાબતે વિચારણા કરવામાં આવી રહી છે. 

પેટ્રોલપંપ ડીલર્સની બેઠક
પેટ્રોલિયમ અને પ્રાકૃતિક ગેસ મંત્રીએ જણાવ્યું છે કે, સરકારે LPG સિલિન્ડરની કિંમતમાં ઘટાડો કર્યો છે. ઉજ્જવલા યોજના હેઠળ મળતી સબસિડીના લાભ સાથે આ લાભ પણ જોડાઈ ગયો છે. આવનારા સમયમાં પેટ્રોલ ડીઝલની કિંમતમાં ઘટાડો થઈ શકે છે. ગ્લોબલ સ્તરે કાચા તેલની કિંમતો સ્થિર રહેશે તો ભાવમાં ઘટાડો થઈ શકે છે. આવતીકાલે શનિવારે 9 સપ્ટેમ્બરના રોજ પેટ્રોલ પંપ ડીલર્સની બેઠક થશે. 

ડીલર કમિશન વધારવાની માંગ
પેટ્રોલ પંપ ડીલર્સની બેઠકમાં ડીલર્સ કમિશન વધારવા બાબતે પણ ચર્ચા કરવામાં આવશે. આ દરમિયાન ડીલર્સ તરફથી માંગ કરવામાં આવશે કે, ‘પેટ્રોલ-ડીઝલની કિંમતમાં કોઈપણ પ્રકારનો વધારો ઘટાડો થાય તો તે પહેલા જાણકારી આપવામાં આવે.’ કર્સોટિયમ ઓફ ઈન્ડિયન પેટ્રોલિયમ ડીલર્સે પણ આ બાબતે પેટ્રોલિયમ મંત્રીને ચિટ્ઠી લખી છે. CIPDએ રેટમાં ફેરફાર કરવાની સૂચના આપવાની માંગ કરી છે. સરકાર ડીલર કમિશન વધારવા માટે ઓઈલ માર્કેટિંગ કંપનીઓને આદેશ આપે.

મીડિયા રિપોર્ટ્સમાં દાવો કરવામાં આવ્યો છે કે, પેટ્રોલ ડીઝલની કિંમતમાં 3થી 5 રૂપિયાનો ઘટાડો થઈ શકે છે. કેટલાક રાજ્યોમાં નવેમ્બરથી ડિસેમ્બર દરમિયાન થનાર ચૂંટણી પહેલા સરકાર તરફથી આ પગલું લેવામાં આવી શકે છે. જેએમ ફાઈનાન્શિયલ ઈન્સ્ટિટ્યૂશનલ સિક્યોરિટીઝ રિપોર્ટમાં જણાવવામાં આવ્યું છે કે, LPG સિલિન્ડરની કિંમતમાં ઘટાડો થવાથી સામાન્ય માણસને મોંઘવારીથી રાહત મળી છે.