હનુમાન જયંતિ 2023 / હનુમાન જયંતિના દિવસે આ 7 ભૂલો ક્યારેય ન કરતા, નહીં તો મળશે અશુભ પરિણામ

• 6 એપ્રિલે છે હનુમાન જયંતિ 
• બજરંગબલીની પૂજામાં ન કરો આ ભૂલો 
• નહીં તો મળશે અશુભ પરિણામ

હનુમાન જયંતીનો તહેવાર આવવાનો છે. હનુમાન જયંતી ચૈત્ર મહિનાના શુક્લ પક્ષની પૂનમે આવે છે. હનુમાન જયંતી બજરંગબલીના જન્મોત્સવના રૂપમાં ઉજવવામાં આવે છે. આ વખતે આ તહેવાર 6 એપ્રિલ ગુરૂવારે ઉજવવામાં આવશે. 

હનુમાન જયંતી પર બજરંગબલીની પૂજા-અર્ચનાથી જીવનમાં મોટા સંકટ દૂર થઈ શકે છે. જ્યોતિષ શાસ્ત્ર અનુસાર હનુમાન જયંતીના દિવસે અમુક ભુલો કરવાથી બચવું જોઈએ. 

સૂતક કાળમાં પૂજા 
હનુમાનજીની પૂજા ક્યારેય પણ સૂતક કાળમાં ન કરવી જોઈએ. સૂતક કાળ ગ્રહણથી 12 કલાક પહેલા લાગી જાય છે સાથે જ જો ઘરમાં કોઈનું મૃત્યુ થયું હોય તો સૂતક માન્ય થાય છે. કોઈ વ્યક્તિનું મૃત્યુ થવા પર ઘરમાં 13 દિવસનો સુતક કાળ લાગી જાય છે. આ સમયમાં હનુમાનજીની પૂજા નથી કરવામાં આવતી. 

સ્ત્રીઓનું સ્પર્શ 
હનુમાન જયંતીના દિવસે સ્ત્રીઓના સ્પર્શ કરવાથી બચો. આ દિવસે બ્રહ્મચર્યાનો ખૂબ જ કડક રીતે પાલન કરવામાં આવે છે. કહેવાય છે કે ભગવાન હનુમાન સ્વયં સ્ત્રીઓના સ્પર્શથી બચતા હતા. જો કોઈ મહિલા ઘરના મંદિરમાં પૂજા કરે છે તો તેમને પણ બજરંગબનીની પ્રતિમાને સ્પર્શ ન કરવું જોઈએ. 

ચરણામૃતથી સ્નાન 
ખૂબ ઓછા લોકો એ વાત જાણે છે કે હનુમાનજીની પૂજામાં ક્યારેય ચરણામૃતનો ઉપયોગ નથી કરવામાં આવતો. હનુમાન જયંતી પર બજરંગબલીને ચરણામૃતથી સ્નાન ન કરાવો. તેમની પૂજામાં ચરણામૃત ચડાવવાનું વિધાન નથી. 

કાળા-સફેદ વસ્ત્ર ન પહેરો
બજરંગબલીની પૂજા કરતી વખતે ભૂલથી પણ કાળા કે સફેદ રંગના વસ્ત્ર ધારણ ન કરો. તેના પરિણામ ખૂબ જ અશુભ હોઈ શકે છે. હનુમાનજીની પૂજા ફક્ત લાલ રંગના વસ્ત્ર પહેરીને જ કરવી જોઈએ. 

તૂટેલી કે ખંડિત પ્રતિમા 
હનુમાન જયંતી પર પૂજા માટે બજરંગબલીની તૂટેલી કે ખંડિત પ્રતિમાનો ઉપયોગ ન કરો. જો તમારા ઘરના મંદિરમાં બજરંગબલીની કોઈ પ્રતિમા છે તો તેને ફરી હટાવી દો. સારૂ રહેશે કે પ્રતિમાને તમે વહેતા પાણામાં પધરાવી દો. 

મીઠાનું સેવન ન કરો 
હનુમાન જયંતી પર તમારે મીઠાનું સેવન ન કરવું જોઈએ. તેના ઉપરાંત, તમારે એ વસ્તુઓ ન ખાવી જોઈએ જે આ દિવસે તમે દાનમાં આપી હોય. હનુમાન જયંતીનો ઉપવાસ કરતા લોકોને દિવસમાં ન સુવુ જોઈએ. 

માંસ- દારૂ 
હનુમાન જયંતીના દિવસે માંસ-દારૂનું સેવન ન કરવું જોઈએ. શારીરિક સંબંધ ન બનાવો. ક્રોધમાં આવીને કોઈને અપશબ્દ ન કહો. દ્વાર પર આવેલા લોકોનું અપમાન ન કરો.