ધર્મ / જાદુની જેમ કામ કરશે યોગ્ય રીતે કરેલો હનુમાન ચાલીસાનો પાઠ, જીવનમાં થશે આ ચમત્કાર

• કળયુગમાં હનુમાનજી ધરતી પર છે સાક્ષાત
• ભક્તો પર જલ્દી પ્રસન્ન થઈ જાય છે હનુમાનજી 
• ભક્તોની મુશ્કેલીઓ કરે છે દૂર 

શાસ્ત્રો અનુસાર ભગવાન હનુમાન શિવના 11માં રૂદ્ર અવતાર છે. કળયુગમાં હનુમાનજી માત્ર એવા દેવતા છે જે ધરતી પર હાજર છે અને સાચ્ચા મન અને સંપૂર્ણ શ્રદ્ધાથી હનુમાનજીને યાદ કરવામાં આવે તો તે સાક્ષાત દર્શન આપે છે અને ભક્તોની દરેક મનોકામનાઓ પૂર્ણ કરે છે. 

જ્યોતિશ શાસ્ત્રમાં હનુમાનજીને પ્રસન્ન કરવા અને તેમની કૃપા મેળવવા માટે અમુક ઉપાયો વિશે જણાવવામાં આવ્યું છે. જો તેમને યોગ્ય વિધિ દ્વારા કરવામાં આવે તો બજરંગબલી ભક્તોના દરેક કષ્ટ અને સંકટ દૂર કરે છે. 

હનુમાન ચાલીસાનો પાઠ કરવાના ફાયદા 
શાસ્ત્રોમાં હનુમાન ચાલીસાના પાઠના ચમત્કારોનો ઉલ્લેખ કરવામાં આવ્યો છે. માન્યતા છે કે હનુમાન ચાલીસાનો પાઠ કરવાથી વ્યક્તિનો ભય દૂર થવાની સાથે તેમને પિતૃ દોષ, મંગળ દોષ, રાહુ દોષ વગેરેથી છુટકારો મળે છે. તેની સાથે જ હનુમાન ચાલીસાના અમુક ઉપાય કરવાથી કષ્ટોમાંથી મુક્તિ મળે છે. 

હનુમાન ચાલીસા પાઠની યોગ્ય વિધિ 
ગૃહ કલેશ દૂર કરવા માટે 
શાસ્ત્રો અનુસાર જો ઘરમાં ક્લેશ હોય તો તેને દૂર કરવા માટે હનુમાન ચાલીસાનો પાઠ કરવો જરૂરી છે. દરેક મંગળવાર અને શનિવારના દિવસે હનુમાન મંદિરમાં જઈને ગોળ અને ચણા ભગવાન હનુમાનને અર્પિત કરો અને હનુમાન ચાલીસાનો પાઠ કરો. 

સારા સ્વાસ્થ્ય માટે 
કહેવાય છે કે જો કોઈ વ્યક્તિને શારીરિક મુશ્કેલી હોય તો તેણે દરરોજ હનુમાન ચાલીસાનો પાઠ કરવો જોઈએ. તેનાથી માનસિક અને શારીરિક કષ્ટો દૂર થાય છે. વ્યક્તિ પ્રગતિ કરવા લાગે છે. 

શનિદોષથી બચવા 
શાસ્ત્રો અનુસાર જેના પર ભગવાન હનુમાનની કૃપા થાય છે તેમને કોઈ કષ્ટ નથી હોતા. જો શનિ દોષથી છુટકારો મેળવવા માંગો છો તો દર મંગળવારે હનુમાન મંદિરમાં જઈને હનુમાન ચાલીસાનો પાઠ કરો. 

દરેક મુશ્કેલીઓથી બચવા માટે 
હનુમાન ચાલીસાનો પાઠ દરરોજ કરવાથી ઘણા પ્રકારની મુશ્કેલીઓ જેવી કે દારૂ પીવું, ક્રોધ કરવો, નશો કરવો વગેરેથી છુટકારો મેળવી શકશો. 

દરેક કામ થશે પુરૂ
શાસ્ત્રો અનુસાર કોઈ પણ શુભ કામ માટે નિકળતા પહેલા હનુમાન ચાલીસા અથવા તો અમુક પંક્તિઓનો જાપ કરવો જોઈએ. તેનાથી તે કામને પુરૂ થવાથી કોઈ નહીં રોકી શકે. 

સફળતા માટે 
જો કોઈ ઈન્ટરવ્યૂ કે પરીક્ષા આપવા જાય છે તો તેને પહેલા હનુમાન ચાલીસાનો પાઠ કરવો જોઈએ. તેનાથી ડર ભાગી જાય છે અને કામમાં સફળતા મળે છે.

(DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)