દુઃખદ / અમેરિકામાં આ શહેરના Fedex સેન્ટરમાં ગોળીબાર, 4 શીખો સહિત 8ના મોત, આરોપીએ પોતાને પણ મારી ગોળી

• 4 શીખો સહિત ઓછામાં ઓછા 8 લોકોના મોત 
• મોટા ભાગના કર્મી સ્થાનીય શીખ સમુદાયના 
• લોકોને માર્યા અને ઘાયલ કર્યા બાદ પોતે આત્મહત્યા કરી લીધી હતી.

4 શીખો સહિત ઓછામાં ઓછા 8 લોકોના મોત 

અમેરિકાના ઈન્ડિયાના રાજ્યમાં ફેડેક્સ ફેસેલટીમાં એક ગોળીબારી દરમિયાન 4 શીખો સહિત ઓછામાં ઓછા 8 લોકોના મોત થયા છે. જ્યારે 5 અન્ય ઘાયલ થયા છે. ગોળીબારી કરનારા વ્યક્તિની ઓળખ ઈન્ડિયાના રહેવાસી 19 વર્ષીય બ્રેન્ડન સ્કોટ હોલ તરીકે થઈ છે. આરોપીએ લોકોને માર્યા અને ઘાયલ કર્યા બાદ પોતે આત્મહત્યા કરી લીધી હતી.

A significant number of workers at FedEx processing centre (near Indianapolis airport), where the shooting took place Thursday night are from Sikh community. They couldn't confirm why he opened fire on them. Shooter is a man in 20s: Indianapolis Police Chief Randal Taylor

— ANI (@ANI) April 16, 2021

મોટા ભાગના કર્મી સ્થાનીય શીખ સમુદાયના 

ડિલીવરી સર્વિસ ફેસિલિટી પર 90 ટકા કામ કરનારા લોકો ભારતીય અમેરિકન છે. અહીં મોટા ભાગના કર્મી સ્થાનીય શીખ સમુદાયના છે. સમુદાયના નેતા ગુરિંદર સિંહ ખાલસાએ કહ્યું કે આ બહું દિલ તોડનારી ઘટના છે. આ દુઃખદ ઘટનાથી શીખ સમુદાય શોકમાં છે.

વિદેશ મંત્રીએ મદદ આપવાની કરી વાત

આ ઘટના બાદ વિદેશ મંત્રી એસ જયશંકરે આ ઘટના પર દુઃખ વ્યક્ત કર્યુ હતુ. તેમણે કહ્યુ કે પીડિતોમાં ભારતીય અમેરિકન શીખ સામેલ છે. વિદેશ મંત્રીએ કહ્યું કે શિકાગોમાં અમારા રાજદૂત ઈન્ડિયાનાપોલિસના અધિકારીઓ અને સમુદાયોના નેતાઓના સંપર્કમાં છે. અમે તમામ શક્ય મદદ કરીશું.

બંદુકધારીએ આ લોકો પર ગોળી કેમ ચલાવી

ઈન્ડિયાનાપોલિસના પ્રમુખ રૈંડલ ટેલરે જણાવ્યું કે આ વાતની પુષ્ટિ નથી કરી શકાઈ કે બંદુકધારીએ તે લોકો પર ગોળી કેમ ચલાવી.  આ ઘટનામાં ભારતીય મૂળના હરપ્રીત ગિલને ગોળી વાગી છે. ફેડેક્સમાં થઈ રહેલા ગોળીબાર અંગે સૌથી પહેલા હરપ્રીતને જાણકારી મળી હતી. હરપ્રીતે જ્યારે ભાગવાનો પ્રયાસ કર્યો તો તેના માથા પર ગોળી વાગી. હાલ હોસ્પિટલમાં તેમની સારવાર ચાલી રહી છે. હરપ્રિતના ભાઈએ આ માહિતી આપી છે.

શીખ સમુદાય બાયડન પાસે કરશે મદદની અપીલ

શીખ કાઉન્સિલ ઓફ રિલીઝન એન્ડ એજ્યુકેશના ચેરમેન ડો. રજવંત સિંહે કહ્યું કે ઈન્ડિયાનાપોલિસમાં હુમલાથી હું બહું દુઃખી છુ. તેમણે કહ્યું કે એશિયાઈ અમેરિકનોની વિરુદ્ધ હિંસા અને ધ્રુણા જોવી એનિશ્ચિત છે. તેમણે કહ્યું કે અમે બાયડન પ્રશાસન પાસે પીડિત પરિવારની મદદ માટે અપીલ કરીશું.