કાર્યવાહી / ગુજરાતમાં ટ્રાફિકના નિયમોનું ઉલ્લંઘન કરનારા વાહનચાલકોની સંખ્યામાં ચિંતાજનક વધારો

ગૃહ વિભાગ દ્વારા જાહેર કરાયેલા આંકડાઓ મુજબ હેલ્મેટ વગર વાહન ચલાવવાના મામલે સૌથી વધુ 19 લાખથી વધુ લોકો સામે કાર્યવાહી કરવામાં આવી છે. સીટબેલ્ટ ન પહેરવા બદલ 4.29 લાખ લોકોને દંડ ફટકારાયો છે. આ આંકડા દર્શાવે છે કે લોકો હજુ પણ મૂળભૂત ટ્રાફિક નિયમોને અવગણી રહ્યા છે, જે અકસ્માતના જોખમને વધારતા હોય છે.

ઓવર સ્પીડિંગ અને ડ્રિન્ક એન્ડ ડ્રાઈવ સામે કડક પગલાં

ઓવર સ્પીડિંગ માટે 4.11 લાખ લોકો સામે કાર્યવાહી કરવામાં આવી છે. જ્યારે ડ્રિન્ક એન્ડ ડ્રાઈવના કેસમાં 35611 લોકો સામે ગુના નોંધાયા છે. મોબાઈલ ફોનનો ઉપયોગ કરીને વાહન ચલાવવાના મામલે 2.37 લાખ લોકો સામે દંડાત્મક કાર્યવાહી થઈ છે. આ તમામ ભંગો માર્ગ સુરક્ષાને ગંભીર રીતે અસર કરે છે અને અકસ્માતોના મુખ્ય કારણોમાં સામેલ છે.

બ્લેક સ્પોટ અને અકસ્માતોની ચિંતા

રોડ સેફ્ટી ઓથોરિટીના રિપોર્ટ મુજબ રાજ્યમાં 32 બ્લેક સ્પોટ ઓળખવામાં આવ્યા છે. જ્યાં સૌથી વધુ અકસ્માતો થાય છે. વડોદરાના વરેડિયા અને વેમાલી વચ્ચેનો માર્ગ સૌથી વધુ જોખમી ગણાયો છે. અહીં જીવલેણ અકસ્માતોમાં 281 લોકોના મૃત્યુ થયા છે. જેમાં 78 રાહદારીઓ પણ સામેલ છે. આ પરિસ્થિતિ માર્ગ સુરક્ષાની ગંભીરતા દર્શાવે છે.

આ પણ વાંચો: 'રામાધણી' ફાર્મહાઉસ થશે ધ્વસ્ત? મસ્તાની ગેંગના ગુંડાઓનો કિલ્લો થશે નેસ્તનાબૂદ

મૃત્યુઆંકમાં ઘટાડો, છતાં સતર્ક રહેવાની જરૂર

સકારાત્મક બાબત એ છે કે 2023ની તુલનામાં 2024માં માર્ગ અકસ્માતોમાં મૃત્યુઆંકમાં 137 જેટલો ઘટાડો નોંધાયો છે. છતાં હજુ પણ મોટા પ્રમાણમાં અકસ્માતો થતા હોવાથી લોકોમાં ટ્રાફિક નિયમો પ્રત્યે જાગૃતિ વધારવાની જરૂર છે. તંત્ર દ્વારા કરવામાં આવેલી કાર્યવાહી આગળ પણ ચાલુ રહેશે જેથી માર્ગ સુરક્ષા વધુ મજબૂત બની શકે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ