ગૌરવ / સલામ! આ ગુજરાતી દીકરી જોડાશે અમેરિકન આર્મીમાં ખુદ CM રૂપાણીએ આપી શુભેચ્છાઓ

• શું કહ્યું CM રૂપાણીએ? 
• અમેરિકામાં ગુજરાતના ઝાલાવાડીય ક્ષત્રિયના 52 પરિવારો
• ઝીંઝુવાડાના કનકસિંહ ઝાલા અને ફાલ્ગુનીબા ઝાલાની 20 વર્ષની દીકરી છે દેવકી

અમેરિકામાં ગુજરાતના ઝાલાવાડીય ક્ષત્રિયના 52 પરિવારો

અમેરિકામાં ગુજરાતના ઝાલાવાડીય ક્ષત્રિયના 52 પરિવારો રહે છે. દેવકી બા જન્મથી જ પોતાના પાતા પિતા સાથે લોસ એન્જલસમાં રહે છે. અને તે અમેરિકન આર્મીમાં જોડાઈને પોતાની કર્મભૂમીની રક્ષા કરવા માંગી રહી છે. 

ઝીંઝુવાડાના કનકસિંહ ઝાલા અને ફાલ્ગુનીબા ઝાલાની 20 વર્ષની દીકરી દેવકી

ગુજરાતના રણકાંઠાના ઝીંઝુવાડા ગામની ક્ષત્રિય દીકરીએ અમેરિકામાં 3 મહિનાની આકરી ટ્રેનિંગ લઈ ન્યુકેલિયર સ્પેશિયાલિસ્ટ બનવાની તૈયારી કરી રહી છે. ઝીંઝુવાડાના કનકસિંહ ઝાલા અને ફાલ્ગુનીબા ઝાલાની 20 વર્ષની દીકરી દેવકીબા ઝાલાએ ગત સપ્તાહમાં અમેરિકન આર્મીની 3 મહિનાની ખૂબ જ આકરી ટ્રેનિંગ પૂર્ણ કરી એડવાન્સ ઇન્ડિવિજ્યુલ ટ્રેનિંગ માં પ્રવેશ મેળવી CBRN સ્પેશિયાલિસ્ટ બની અમેરિકન આર્મીમાં સેવા બજાવશે.
 
શું કહ્યું CM રૂપાણીએ? 

મુખ્યમંત્રી વિજય રૂપાણીએ વીડિયો સંદેશમાં જણાવ્યું હતું કે, આર્મીમાં ગુજરાતમાંથી ખૂબ ઓછા લોકો જાય છે ત્યારે ગુજરાતની એક ક્ષત્રિય દીકરીએ અમેરિકન આર્મીની આકરી ટ્રેનિંગ સફળતાપૂર્વક પૂર્ણ કરી ગુજરાતનું જ નહીં, પણ સમગ્ર ભારત દેશનું નામ રોશન કર્યું છે. દેવકીબાને શુભેચ્છા પાઠવું છું.