વિકાસની રફ્તાર / ગુજરાતને મળશે વધુ એક ટ્રેનની ભેટ: અમદાવાદમાં ટ્રાયલ શરૂ, નામ છે 'અમૃત ભારત', જાણો વિશેષતા

• ગુજરાતમાં પણ શરૂ અમૃત ભારત ટ્રેન
• અમદાવાદમાં અમૃત ભારત ટ્રેનનુ ટ્રાયલ ચાલુ
• વંદે ભારતની તુલનામાં રહેશે ભાડુ ઓછું

 ગુજરાતમાં આગામી દિવસોમાં અમૃત ભારત ટ્રેન શરૂ થઈ રહી છે. જેમાં સેમી હાઈસ્પીડ અને નોન એસી અમૃત ભારત ટ્રેન શરૂ કરવામાં આવનાર છે. ત્યારે આ ટ્રેન વંદેભારત જેટલી સ્પીડમાં અમૃત ભારત ટ્રેન દોડશે. હાલ અમદાવાદમાં અમૃત ભારત ટ્રેનનું ટ્રાયલ ચાલુ છે. વંદે ભારત ટ્રેનની સરખામણીએ અમૃત ભારત ટ્રેનનું ભાડુ ઓછું રહેશે. ઓછા ભાડાથી મુસાફરો ઝડપથી પોતાનાં સ્થાને પહોંચી શકશે. 

વધુ વાંચોઃ ડુંગળી બાદ હવે બટાકા પકવતા તાતની હાલત બની કફોડી, ભાવ સાવ તળીયે બેસી ગયા, જાણો ખેડૂતને કેટલું નુકસાન

ગુજરાતમાં આવી કોઈ ટ્રેન શરૂ કરવામાં આવશે તો રેલ પ્રશાસન તેના માટે પણ તૈયારઃ જે.કે.જયંત (PRO, રેલ્વે)
આ બાબતે રેલવેનાં PRO જે.કે.જયંતે જણાવ્યું હતું કે,  વંદેભારત જેવી જ એક ટ્રેન શરૂ કરવાનું પ્લાનીંગ હાલ ચાલી રહ્યું છે.  આ ટ્રેન ઓરેન્જ કલરની હશે. આ ટ્રેનને અમૃત ભારત એક્સપ્રેસ નામ આપવામાં આવી રહ્યું છે. ત્યારે હાલ તો આવી કોઈ ટ્રેન ચાલી રહી નથી. આગામી સમયમાં જો ગુજરાતમાં આવી કોઈ ટ્રેન શરૂ કરવામાં આવશે તો રેલ પ્રશાસન તેના માટે પણ તૈયાર છે. અમૃત ભારત એક્સપ્રેસ સૌથી ઓછા ભાડામાં મુસાફરોને તેઓનાં સ્થાન પર પહોંચાડશે.