ખુલાસો / વાહન વ્યવહાર સચિવે કહ્યુ, RTOને ગયા વર્ષે સરકારે 4500 કરોડ વસૂલવાનો ટાર્ગેટ આપ્યો હતો

• ગયા વર્ષે 4500 કરોડનો લક્ષ્યાંક હતો
• આ આવકમાં ચેકપોસ્ટ, બસ ટેક્સ બધાનો સમાવેશ થાય છે
• હેલમેટ અને PUCનો કાયદો આવતી 15મી ઓક્ટોબરથી લાગુ થશે

વાહન વ્યવહાર વિભાગના સચિવ સુનૈના તોમરે આજ સવારથી દંડની રકમ વસૂલવાના ટાર્ગેટ અંગે ચાલી રહેલ ચર્ચામાં ખુલાસો કરતી પત્રકાર પરિષદ યોજીને સ્પષ્ટતા કરી હતી. 

RTO પરિપત્ર મુદ્દે  સરકારની સ્ષ્ટતા
5100 કરોડની રકમ ટેક્સને લઇને છે સુનૈના તોમર જણાવ્યું હતુ કે, વાહન ચાલકો દંડ અને લક્ષ્યાંક મુ્દાને કોઇ લેવા દેવા નથી. સરકાર જનતા પાસેથી પેનલ્ટી વસૂલવામાં રસ નથી. સરકાર પાસે જતી દંડની રકમ કે વાહનવ્યવહાર વિભાગના આ ટાર્ગેટમાં ચેકપોસ્ટ, બસ ટેક્સ બધી આવતનો સમાવેશ થઈ જાય છે. દર વર્ષે વાહનવ્યવહાર વિભાગને આ અંગે એક ટાર્ગેટ આપવામાં આવે છે. 

ગયા વર્ષે 4500 કરોડનો લક્ષ્યાંક હતો
પરિપત્ર મુદ્દે ખોટો મેસેજ વાયરલ થયો છે. આ આવકમાં ચેકપોસ્ટ, બસ ટેક્સ બધાનો સમાવેશ થાય છે. ગયા વર્ષે 4500 કરોડનો લક્ષ્યાંક હતો. દર વર્ષે દરેક વિભાગને લક્ષાંયક આપવામા આવતા હોય છે. 

RTO ઓફિસ પર લાઇન મુદ્દે શું કહ્યું તોમરે?
પ્રજાને પરેશાની ન પડે તે માટે વધુમાં વધુ વ્યવસ્થા કરવામા આવશે. RTOમાં વારંવાર સર્વર ડાઉનની સમસ્યા સામે આવતી હોય છે. સર્વર ડાઉન મામલે સુચના આપી દેવાઇ છે. વહેલામાં વહેલી તકે RTO ઓફિસની લાઈન ઓછી કરવામાં આવશે.  હેલમેટ અને PUCનો કાયદો આવતી 15મી ઓક્ટોબરથી લાગુ થશે.