અપડેટ / રાજ્યમાં બદલી કેમ્પની રાહ જોતાં શિક્ષકો માટે મોટા સમાચાર, જાણો ક્યારેથી શરૂ થશે કેમ્પ ?

Teacher Transfer Camp : રાજ્યભરના શિક્ષકો માટે બદલી કેમ્પનું આયોજન જાહેર કરવામાં આવ્યું છે, જે લાંબા સમયથી રાહ જોતા શિક્ષકો માટે રાહતના સમાચાર સમાન છે. વાસ્તવમાં અગાઉ આ કેમ્પ અંગે જાહેરાત કરવામાં આવી હતી, પરંતુ ચૂંટણી દરમિયાન લાગુ પડેલી આચાર સંહિતાને કારણે તેને સ્થગિત કરવો પડ્યો હતો.

આ તરફ હવે આચાર સંહિતા પૂર્ણ થતાં શિક્ષણ વિભાગે ફરીથી પ્રક્રિયાને ગતિ આપી છે અને શિક્ષકો માટે બદલી કેમ્પ યોજવાનો નિર્ણય લીધો છે. આ પગલાથી શિક્ષકોને પોતાની સુવિધા મુજબની જગ્યાએ બદલી મેળવવાની તક મળશે, જે તેમના કાર્યક્ષમતા અને મનોબળ બંને માટે મહત્વપૂર્ણ સાબિત થશે.

આ પણ વાંચો : આજે ગુજરાતનો સ્થાપના દિવસ, સુરતમાં CMની હાજરીમાં અનેક કાર્યક્રમો યોજાશે

આયોજન મુજબ 7 મેના રોજ ધોરણ 1 થી 5 સુધીના પ્રાથમિક શિક્ષકો માટે બદલી કેમ્પ યોજાશે. ત્યારબાદ 8 મેના રોજ ધોરણ 6 થી 8ના શિક્ષકો માટે અલગથી કેમ્પ યોજાશે. આ તબક્કાવાર આયોજનથી પ્રક્રિયા વધુ વ્યવસ્થિત રીતે પૂર્ણ થઈ શકે તેવી આશા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ