ગુજરાત / ગામડામાં હવે તલાટી નહીં આપી શકે આવકનો દાખલો, જાણો કોને મળી સત્તા? ગુજરાત સરકારનો મોટો નિર્ણય

Gujarat Income Certificate: ઓનલાઈન આવકના દાખલાની શરૂઆત પછી સરકારે સૌથી મોટો નિર્ણય કર્યો છે. ફોટોવાળા પ્રમાણપત્ર માટે અરજદારે સરકારી કચેરીનું પગથિયું નહીં ચડવું પડે. ઓનલાઈન પ્રક્રિયા હોવા છતાં અરજદારે ફોટો માટે સરકારી કચેરી જવું પડતું હતું.

નાગરિકોને ધક્કા વગર આવકનો દાખલો મળે એ માટે સરકારે સૌથી મોટો સુધારો કર્યો છે. ઓનલાઈન આવકના દાખલાના અગાઉના નમૂના સરકારે રદ કર્યા છે. ગામડામાં દાખલાની સત્તા તલાટી પાસેથી પાછી લઈને તાલુકા વિકાસ અધિકારીને સોંપી છે. હવે ગામડામાં તાલુકા વિકાસ અધિકારીની સત્તાથી ઓનલાઈન આવકનો દાખલો મળશે.

સરકારે આપેલો આવકનો ઓનલાઈન દાખલો ત્રણ વર્ષ માટે માન્ય રહેશે. ત્રણ વર્ષમાં વ્યક્તિની આવક બદલાઈ હોય તો સેલ્ફ ડેકલેરેશન આપવું પડશે. ડિજિટલ ગુજરાત પોર્ટલ પર ઓનલાઈન આવકનો દાખલો મેળવવો સરળ બનશે.

આ પણ વાંચોઃ રાજ્યમાં કમોસમી વરસાદની એન્ટ્રી વચ્ચે અંબાલાલની ચિંતાજનક આગાહી, ખેડૂતો ટેન્શનમાં

રાજ્ય સરકારે રાજ્યના નાગરિકો માટે આવકના દાખલા મેળવવાની પ્રક્રિયાને વધુ સરળ બનાવવા માટે મહત્વપૂર્ણ પગલું ભર્યું છે. નવી જોગવાઈઓ હેઠળ હવેથી શહેરી વિસ્તારો માટે મામલતદાર અને ગ્રામ્ય વિસ્તારો માટે તાલુકા વિકાસ અધિકારીને આ પ્રમાણપત્રો આપવા માટે અધિકૃત કરવામાં આવ્યા છે. અગાઉના ઠરાવો દ્વારા નક્કી કરાયેલા સામાજિક અને શૈક્ષણિક રીતે પછાત વર્ગો તેમજ આર્થિક રીતે પછાત વર્ગોના વ્યક્તિઓને પ્રમાણપત્રો આપવા માટેના સત્તાધિકારીઓની યાદી આ ઠરાવથી રદ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ