બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / ગુજરાતમાં 24 કલાકમાં 62 તાલુકામાં વરસાદ, બાલાસિનોરમાં સૌથી વધુ 5.79 ઈંચ વરસાદ નોંધાયો
6 ફોટો ગેલેરી
Last Updated: 07:47 AM, 18 June 2026
FOLLOW ON
શેર કરો
1/6
ગુજરાતમાં છેલ્લા 24 કલાક દરમિયાન વરસાદી માહોલ જામ્યો હતો. રાજ્યના કુલ 62 તાલુકાઓમાં નોંધપાત્ર વરસાદ નોંધાતા અનેક વિસ્તારોમાં પાણી ભરાવાની સ્થિતિ સર્જાઈ હતી, જ્યારે ખેતી માટે પણ આ વરસાદ લાભદાયક માનવામાં આવી રહ્યો છે. હવામાન વિભાગ દ્વારા આગામી દિવસોમાં પણ કેટલાક વિસ્તારોમાં વરસાદની આગાહી કરવામાં આવી છે.
આ તસવીર શેર કરો
2/6
રાજ્યમાં સૌથી વધુ વરસાદ મહિસાગર જિલ્લાના બાલાસિનોર તાલુકામાં નોંધાયો હતો. અહીં 5.79 ઈંચ વરસાદ વરસતા નીચાણવાળા વિસ્તારોમાં પાણી ભરાવાની સ્થિતિ જોવા મળી હતી. ભારે વરસાદના કારણે સ્થાનિક લોકોમાં રાહતની લાગણી જોવા મળી હતી, કારણ કે છેલ્લા કેટલાક દિવસોથી વરસાદની રાહ જોવાઈ રહી હતી
આ તસવીર શેર કરો
3/6
સાબરકાંઠા જિલ્લાના ભિલોડા તાલુકામાં 2.95 ઈંચ વરસાદ નોંધાયો હતો. જ્યારે મહેસાણા જિલ્લાના સતલાસણા તાલુકામાં 2.87 ઈંચ વરસાદ વરસ્યો હતો. અરવલ્લી જિલ્લાના ધનસુરા તાલુકામાં 2.60 ઈંચ વરસાદ નોંધાતા સ્થાનિક જળાશયોમાં નવા પાણીની આવક થઈ હતી
આ તસવીર શેર કરો
4/6
ખેડા જિલ્લાના ગળતેશ્વર તાલુકામાં 2.24 ઈંચ વરસાદ નોંધાયો હતો, જ્યારે કપડવંજ તાલુકામાં 2.17 ઈંચ વરસાદ વરસ્યો હતો. પંચમહાલ જિલ્લાના ઘોઘંબા તાલુકામાં 2.05 ઈંચ અને જાંબુઘોડા તાલુકામાં 2.01 ઈંચ વરસાદ નોંધાયો હતો. આ વિસ્તારોમાં સતત વરસાદને કારણે ખેડૂતોમાં ખુશી જોવા મળી રહી છે.
આ તસવીર શેર કરો
5/6
આ ઉપરાંત કડવાલ તાલુકામાં 1.93 ઈંચ વરસાદ નોંધાયો હતો. સાઠંબા તાલુકામાં 1.38 ઈંચ વરસાદ વરસ્યો હતો, જ્યારે બાયડ તાલુકામાં 1.30 ઈંચ વરસાદ નોંધાયો હતો. કઠલાલ તાલુકામાં 1.26 ઈંચ વરસાદ નોંધાયો હતો. ગોધરા તાલુકામાં પણ 1.10 ઈંચ વરસાદ વરસતા વાતાવરણમાં ઠંડક પ્રસરી ગઈ હતી.
આ તસવીર શેર કરો
6/6
રાજ્યના વિવિધ વિસ્તારોમાં વરસેલા આ વરસાદને કારણે ચોમાસાની ગતિ વધુ મજબૂત બની છે. કૃષિ ક્ષેત્ર માટે આ વરસાદ મહત્વપૂર્ણ માનવામાં આવી રહ્યો છે. વરસાદના કારણે જળાશયો અને તળાવોમાં નવા પાણીની આવક થઈ રહી છે, જે આવનારા સમયમાં પાણીની જરૂરિયાત પૂરી કરવામાં મદદરૂપ બનશે. આગામી દિવસોમાં પણ રાજ્યના વિવિધ વિસ્તારોમાં હળવાથી મધ્યમ વરસાદની શક્યતા વ્યક્ત કરવામાં આવી રહી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
