બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / ગુજરાતમાં 25 જુલાઈએ ધોધમાર વરસાદ પડશે, અમદાવાદ સહિત અનેક જિલ્લાઓમાં અતિભારે વરસાદની આગાહી
6 ફોટો ગેલેરી
Last Updated: 09:19 PM, 24 July 2026
FOLLOW ON
શેર કરો
1/6
ભારતીય હવામાન વિભાગ (IMD) દ્વારા 25 જુલાઈ 2026 માટે જાહેર કરાયેલી આગાહી મુજબ રાજ્યમાં વરસાદી માહોલ યથાવત રહેશે. ઉત્તર ગુજરાત, મધ્ય ગુજરાત, દક્ષિણ ગુજરાત અને સૌરાષ્ટ્ર-કચ્છના અનેક જિલ્લાઓમાં ભારે વરસાદની સંભાવના છે. કેટલાક વિસ્તારોમાં અતિભારેથી અપવાદરૂપ ભારે વરસાદ પડવાની શક્યતા વ્યક્ત કરવામાં આવી છે, જેના કારણે જનજીવન પર અસર પડી શકે છે.
આ તસવીર શેર કરો
2/6
હવામાન વિભાગે બનાસકાંઠા, વાવ-થરાદ, પાટણ, મહેસાણા, ગાંધીનગર, ખેડા, અમદાવાદ અને આણંદ જિલ્લામાં ભારેથી અતિભારે વરસાદની આગાહી કરી છે. આ જિલ્લાઓમાં કેટલાક સ્થળોએ અત્યંત ભારેથી અપવાદરૂપ ભારે વરસાદ વરસી શકે છે. ઉપરાંત સૌરાષ્ટ્રના સુરેન્દ્રનગર અને મોરબી જિલ્લામાં પણ અતિભારે વરસાદની સંભાવના વ્યક્ત કરવામાં આવી છે.
આ તસવીર શેર કરો
3/6
સાબરકાંઠા, અરવલ્લી, પંચમહાલ, દાહોદ, મહીસાગર, વડોદરા, ભરૂચ, સુરત, નવસારી અને વલસાડ જિલ્લામાં પણ કેટલાક સ્થળોએ અતિભારે વરસાદ પડી શકે છે. દમણ અને દાદરા-નગર હવેલીમાં પણ ભારે વરસાદની આગાહી કરવામાં આવી છે. સૌરાષ્ટ્ર-કચ્છના રાજકોટ, જામનગર, અમરેલી, ભાવનગર, બોટાદ અને કચ્છ જિલ્લામાં પણ વરસાદનો જોરદાર રાઉન્ડ જોવા મળી શકે છે.
આ તસવીર શેર કરો
4/6
હવામાન વિભાગે છોટાઉદેપુર, નર્મદા, ડાંગ અને તાપી જિલ્લામાં ભારે વરસાદની આગાહી કરી છે. ઉપરાંત સૌરાષ્ટ્રના દ્વારકા, પોરબંદર, જૂનાગઢ, ગીર સોમનાથ અને દીવમાં પણ ભારે વરસાદ પડી શકે છે. નીચાણવાળા વિસ્તારોમાં પાણી ભરાવાની અને નાના નદી-નાળાઓમાં પાણીની સપાટી વધવાની શક્યતા છે.
આ તસવીર શેર કરો
5/6
ઉત્તર ગુજરાત, દક્ષિણ ગુજરાત અને સૌરાષ્ટ્ર-કચ્છના લગભગ તમામ જિલ્લાઓમાં 30થી 40 કિમી પ્રતિ કલાકની ઝડપે પવન, વીજળીના કડાકા અને હળવાથી મધ્યમ વરસાદની આગાહી કરવામાં આવી છે. ખુલ્લા મેદાનોમાં કામ કરતા લોકો, ખેડૂતો અને મુસાફરોને ખાસ સાવચેતી રાખવાની સલાહ આપવામાં આવી છે.
આ તસવીર શેર કરો
6/6
ભારે વરસાદની આગાહીને પગલે સ્થાનિક વહીવટી તંત્ર, NDRF, SDRF અને અન્ય બચાવ ટીમોને સતર્ક રાખવામાં આવી છે. નદી-નાળા, ડેમ અને નીચાણવાળા વિસ્તારોમાં રહેતા લોકોને બિનજરૂરી અવરજવર ટાળવા, પાણી ભરાયેલા રસ્તાઓ પરથી પસાર ન થવા અને હવામાન વિભાગની સૂચનાઓનું પાલન કરવા અપીલ કરવામાં આવી છે. આગામી 24 કલાક દરમિયાન અનેક વિસ્તારોમાં વરસાદની તીવ્રતા વધી શકે છે, તેથી સતત સાવચેતી રાખવાની જરૂર છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
