રાજકારણ / લોકસભા ચૂંટણી પહેલા ભાજપ સંગઠનમાં મોટા ફેરફારના એંધાણ, જૂના-નવા જોગીઓના કોમ્બિનેશન તખ્તો તૈયાર, આ ખાલી પદો ભરાશે

• લોકસભા ચૂંટણી પૂર્વે નવાજૂનીના એંધાણ
• ભાજપ સંગઠનમાં મોટા ફેરફાર થઈ શકે
• ધડમૂળથી માળખુ બદલાવવાની શક્યતા

ભારતીય જનતા પાર્ટીએ 2024માં યોજાનાર લોકસભાની ચૂંટણીની તૈયારીઓ શરૂ કરી દીધી છે. જેને લઈ હવે એવી ચર્ચા થઈ રહી છે કે, ભાજપ ટૂંક સમયમાં સંગઠનાત્મક ફેરફાર કરી શકે છે. લોકસભાની ચૂંટણી પૂર્વે ગુજરાતમાં ભાજપ સંગઠનમાં ફેરફાર થાય તેવા એંધાણ છે. પ્રધાનમંત્રી નરેન્દ્ર મોદી અને મુખ્યમંત્રી ભૂપેન્દ્ર પટેલની મુલાકાત બાદ નવાજૂની સર્જાય તેવા એંધાણ સર્જાયા છે. રાજકીય સૂત્રો પાપ્ત માહિતી મુજબ ગુજરાત ભાજપ સંગઠનમાં ધડમૂળથી માળખું બદલાવવાની પણ પૂરે પૂરી શક્યતા છે. 

લોકસભા ચૂંટણી પૂર્વે ભાજપ સંગઠનમાં મોટા પાયે ફેરફારના એંધાણ, PM નરેન્દ્ર મોદી અને CM ભૂપેન્દ્ર પટેલની મુલાકાત અટકળો વહેતી થઈ, ભાજપ સંગઠનમાં ધડમૂળથી માળખું બદલાવવાની શક્યતા, જૂના જોગીઓને અને નવા જોગી સાથે સમાવેશ કરીને સ્થાન અપાય તેવી શક્યતા, હાલ પ્રદેશ ભાજપના સંગઠનમાં બે મહામંત્રી… pic.twitter.com/cKsMAeeAxX

— VTV Gujarati News and Beyond (@VtvGujarati) October 8, 2023

નવા ચેહરાઓને સ્થાન મળે તેવી શક્યતાઓ
સંગઠનમાં પડેલા ખાલી પદોમાં નવા ચેહરાઓને સ્થાન મળે તેવી પણ શક્યતાઓ સેવાઈ રહી છે. જેમાં મોરચાના પદાધિકારીઓમાં પણ નવા ચહેરાને સ્થાન મળે તેવી પણ વાત છે. જૂના જોગીઓને અને નવા જોગીઓ સાથે સમાવેશ કરીને સ્થાન અપાય તેવી પણ શક્યતાઓ સેવાઈ રહી છે. હાલ પ્રદેશ ભાજપના સંગઠનમાં બે મહામંત્રીના રાજીનામા બાદ પદો ખાલી પડેલા છે. જે પદો પર નવી નિમણૂકો કરવામાં આવે  તેવી પણ ચર્ચા છે. તેમજ પ્રદેશ સંગઠનમાં ઉપમુખ અને સંગઠન મંત્રીના રાજીનામા બાદ પણ પદો ખાલી પડેલા છે.

'પ્રદેશ પ્રમુખનો ચૂંટણીને લઈ નિવેદન સામે આવ્યું હતુ'
અત્રે જણાવી કે, થોડા દિવસ અગાઉ પ્રદેશ ભાજપ પ્રમુખ સી. આર. પાટીલ એક નિવેદન સામે આવ્યુ હતું. તેઓએ મોરબી જિલ્લાના નાનીવાવડી ગામે ઝુલતા પુલ દુર્ઘટના મોતને ભેટેલા લોકોના મોક્ષાર્થે યોજાયેલ મોરારીબાપુની રામકથામાં હાજરી આપી હતી. આ દરમિયાન પાટીલે 2024ની લોકસભા ચૂંટણીને લઇ  કહ્યું કે 2024માં ગુજરાતની તમામ 26 બેઠક ભાજપ જીતશે. તેમણે 5 લાખથી વધુની લીડ સાથે તમામ બેઠકો જીતીશું તેવો પણ વિશ્વાસ વ્યક્ત કર્યો હતો. વધુમાં 26 બેઠકો પર યુવાનો અને મહિલાઓને તક અપાઇ તેવા પણ સંકેત આપ્યા હતા.