ક્રાઈમ / VIDEO: સુરતમાં નશાખોર બન્યા બેફામ! અભદ્ર શબ્દો બોલી જાહેરમાં યુવતીઓની છેડતી

સુરતમાં રહેવું સામાન્ય પ્રજા માટે દિવસે ને દિવસે કપરું થઈ રહ્યું છે. કારણકે, લુખ્ખા તત્વોને કદાચ પોલીસનો ડર નથી રહ્યો. શહેરમાં છાશવારે લુખ્ખાતત્વોની દાદાગીરીની ઘટનાઓ સામે આવે છે. ત્યારે જાહેરમાં મારામારી કે પછી ધમાલની ઘટના બનતા હવે પ્રજામાં પણ લુખ્ખા તત્વોનો ડર જોવા મળ્યો છે. સુરતના વરાછા વિસ્તારમાં નશાખોર યુવકોએ ધમાલ મચાવી છે

વરાછા વિસ્તારમાં નશાખોર યુવકોની ધમાલ

સુરતમાં જાહેરમાં લોકો સાથે મારામારી અને લૂંટનો પ્રયાસ થયો છે, જાહેર રસ્તા પર યુવતીઓને અભદ્ર શબ્દો બોલી છેડતી પણ કરી હતી. નશો કરી છાકટા બનેલા યુવકોની હરકતનો વીડિયો વાયરલ થયો છે, વાયરલ વીડિયો આધારે વરાછા પોલીસ હરકતમાં આવી છે અને મૂળ ઉત્તરપ્રદેશના બે નશાખોર યુવકોની અટકાયત કરી છે. બંને નશાખોર યુવકોને પોલીસે કાયદાનું ભાન કરાવ્યું છે.

આ પણ વાંચો: CBI અધિકારી બની લાખોની છેતરપિંડી, સાયબર ક્રાઈમે બે શખ્સની કરી ધરપકડ

સળગતા સવાલ

લુખ્ખા તત્વો અવારનવાર બેફામ કેમ બને છે?

અસામાજિક તત્વોને કાયદાનો ભય કેમ નથી?

શું અસામાજિક તત્વો માટે અલગ કાયદો છે?

આતંક મચાવનારા લુખ્ખાઓની ધરપકડ ક્યારે થશે?

પોલીસ યોગ્યરીતે પેટ્રોલિંગ ક્યારે કરશે?

અસામાજિક તત્વો પર દાખલારૂપ કાર્યવાહી કેમ નથી થતી?

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ