એક્શન / દિવાળી પહેલા જ તંત્રની મોટી કાર્યવાહી, સરકારી કર્મચારીઓને તત્કાલ અસરથી છૂટા કરાયા

Anand News: આણંદ મહાનગરપાલિકા કમિશનરની કડક કાર્યવાહી હાથ ધરી છે. દિવાળી પહેલાં મનપા કચેરીના બે કર્મચારીને તત્કાલ અસરથી છૂટા કરાયા છે. મળતી માહિતી મુજબ તેમના વિરુદ્ધ ફરિયાદ આવતા આ પગલું લેવામાં આવ્યું છે.

આણંદ મનપા કમિશનરની કડક કાર્યવાહી

આણંદ મહાનગરપાલિકા કમિશનર મિલિંદ બાપનાએ કડક વલણ અપનાવી માનપા કચેરીના બે કર્મચારીઓને તાત્કાલિક અસરથી છૂટા કરવાની કાર્યવાહી કરી છે. આ બંને કર્મચારીઓ અરજદારો સાથે ગેરવર્તન કરતા હોવાની ફરિયાદો મળતાં આ પગલાં લેવામાં આવ્યા છે.

ફરિયાદ બાદ કમિશનરે લીધો તુરંત એક્શન

મિલિંદ બાપનાને અરજદારો તરફથી મળેલી ફરિયાદોના આધારે, કર્મચારીઓ દ્વારા ફરજ દરમિયાન અનાવશ્યક વિલંબ અને ગેરવર્તુણૂક થતી હોવાના ગંભીર આરોપોની તપાસ કરી તુરંત પગલાં લીધા હતા. આ પગલાંથી મનપા તંત્રમાં શિસ્તના સંકેત મળ્યા છે.

બે વિભાગોના કર્મચારીઓને અપાયું પાણીચું

જન્મ-મરણ નોંધણી વિભાગમાં કામ કરતા માલવ પટેલ અને દિવાબત્તી વિભાગમાં ફરજ બજાવતા યશ સંઘવીને તાત્કાલિક અસરથી છૂટા કરાયા છે. આ બંને કર્મચારીઓ અંગે અનેકવાર અસંતોષ અને ફરિયાદો સામે આવી હતી, જેને લઈ કમિશનરે કડક નિર્ણય કર્યો છે.

વધુ વાંચો: Filmfare Award 2025 : બે ગુજ્જુ સ્ટારે વધાર્યું ગૌરવ, આ કેટેગરીમાં જીત્યો એવોર્ડ

કમિશનરની કાર્યવાહીથી કર્મચારીઓમાં ફફડાટ

આ કડક પગલાંથી મનપા કચેરીમાં કામચોર અને ગેરવર્તન કરતા કર્મચારીઓમાં ફફડાટ ફેલાયો છે. કમિશનર મિલિંદ બાપનાએ સ્પષ્ટ સંદેશો આપ્યો છે કે કામમાં બેદરકારી કે જાહેર જનતા સાથે દુર્વ્યવહાર મનપા સહન નહીં કરે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ