ચોમાસું / અમદાવાદમાં વીજળીના કડાકા સાથે મેઘ મહેર, શહેરના અનેક વિસ્તારમાં પાણી ભરાયા

• અમદાવાદમાં પહેલા વરસાદથી જ ભરાયા પાણી
• વીજળીના કડાકા અને પવન સાથે વરસાદ ચાલુ
• એક કલાકના વરસાદમા પુર્વના વિસ્તારોમાં પાણી ભરાયા

અમદાવાદમાં પહેલા વરસાદથી જ ઠેર-ઠેર પાણી ભરાયા છે. વીજળીના કડાકા અને પવન સાથે વરસાદ વરસ્યો છે. એક કલાકના વરસાદમા પુર્વના વિસ્તારોમાં પાણી ભરાયા હતા. હાટકેશ્વર સર્કલ વરસાદી પાણીને કારણે બેટમાં ફેરવાયું હતું. તો ખોખરા ગુજરાત હાઉસિંગના માર્ગ પર પણ પાણીમાં ગરકાવ થયું હતું. આ સાથે અનેક સોસાયટીઓમાં વરસાદી પાણી ભરાયા હોવાના દ્રશ્યો સામે આવ્યા છે. 

રાજ્યમાં ચોમાસાની સ્થિતિને લઈ મહત્વના સમાચાર સામે આવ્યા છે. 17થી 20 જૂન સુધી વરસાદની શક્યતાઓ દર્શાવવામાં આવી છે. રાજ્યના અનેક વિસ્તારોમાં વરસાદ થવાની સંભાવના છે. ચોમાસુ દક્ષિણ ગુજરાતમાં સક્રિય થતા વરસાદની આગાહી કરાઈ છે. 

• અમદાવાદ, ગાંધીનગર, વડોદરા સહિત વરસાદની આગાહી 
• બનાસકાંઠા, મહેસાણા, સાબરકાંઠા, અરવલ્લીમાં થશે હળવો વરસાદ
• મહીસાગર, પાટણ શહેરમાં પણ હળવા વરસાદની આગાહી 
• સૌરાષ્ટ્રમાં પોરબંદર, ગીર સોમનાથ, જામનગર, જૂનાગઢમાં વરસાદ થશે
• દક્ષિણ ગુજરાતના વલસાડ, નવસારીમાં વરસાદ થશે 
• દાદરાનગર હવેલી, ડાંગ, તાપીમાં પણ પવન સાથે વરસાદની આગાહી

મુંબઈમાં સતત ભારે વરસાદના કારણે ઠેર-ઠેર પાણી ભરાયા

મુંબઈમાં સતત વરસાદ વરસી રહ્યો છે. જેના કારણે વેસ્ટર્ન એક્સપ્રેસ હાઈ-વે પર ટ્રાફિક જામની સ્થિતિ સર્જાઈ છે. કેટલાક સ્થળોએ વરસાદી પાણી પણ ભરાઈ ગયા છે. તો પરેલ વિસ્તારમાં વાહનવ્યવહારને પણ અસર સર્જાઈ છે. માર્ગો પર પાણી ભરાઈ જતાં વાહનવ્યવહાર ઠપ થયો છે. તો આ તરફ વેસ્ટર્ન એક્સપ્રેસ હાઈ-વે પર લાંબો ટ્રાફિક જામ થયો છે.