શહીદી / સલામ! ગુજરાતના વીર શહીદ જવાનને અપાઇ અંતિમ વિદાય, પરિવારજનો પાર્થિવ દેહ પાસે રડી પડ્યા

• CM રૂપાણીએ પણ આપી હતી શ્રદ્ધાંજલિ
• ગ્રામોજનોએ ભારે હૈયે આપી વિદાય
• દુશ્મનની ગોળી ઝીલી લીધી

ચોટીલાના ચોરવીરા ગામના રઘુભાઈ બાવળીયા જમ્મુ-કાશ્મીરમાં દુશ્મનો સામે લડી રહ્યા હતા. આ દરમિયાન તેમને ગોળી વાગતા શહીદ થયા છે. દીકરો શહીદ થતા પરિવાર શોકમાં ગરકાવ થઇ ગયો છે. શહીદ જવાનનો નશ્વરદેહ વતનમાં લવાયો હતો. જવાનને ગાર્ડ ઓફ ઓનર આપીને તેમના અંતિમ સંસ્કાર કરવામાં આપવામાં આવ્યા હતા. પરિવારજનો રડી પડ્યા હતા.

ગ્રામોજનોએ ભારે હૈયે આપી વિદાય

ગુજરાતના શહીદ જવાનનો દેહને તેમના વતનમાંથી અંતિમ વિદાય આપવામાં આવી હતી અને શ્રદ્ધાંજલિ આપવામાં આવી છે. જવાનના માનમાં સુદમડાથી ચોરવિડા ગામ સુધી બાઈક રેલી પણ કરવામાં આવી હતી. હજારો લોકો તેમના અંતિમ દર્શન ઉમટી પડ્યા હતા. લેહમાં શહીદ થયેલા રઘુભાઇને ગ્રામજનો દ્વારા શ્રદ્ધાંજલિ પણ આપવામાં આવી છે.  

સુરેન્દ્રનગરના સાયલા તાલુકાના રઘુભાઇ બાવળિયા આર્મી જવાન શહીદ થયા છે. શહીદ જવાનના પાર્થિવદેહને માદરે વતન લવાયો છે. જવાનની અંતિમ યાત્રામાં મોટી સંખ્યામાં ગ્રામજનો જોડાયા હતા. ગ્રામજનોએ ગામના જવાનને શ્રદ્ધાંજલિ આપી. #surendranagar #IndianArmy pic.twitter.com/zq8JFysZRH

— VTV Gujarati News and Beyond (@VtvGujarati) October 23, 2020

CM રૂપાણીએ પણ આપી હતી શ્રદ્ધાંજલિ

ત્યારે મુખ્યમંત્રી વિજય રૂપાણીએ શહીદ જવાનને શ્રદ્ધાજલિ આપી છે. સીએમએ ટ્વિટ કરીને કહ્યું હતું કે, જમ્મુ કાશ્મીરમાં માતૃભૂમિની રક્ષા કરતા ચોટીલાના ચોરવીરા ગામના રઘુભાઈ બાવળીયા શહીદ થતા દુ:ખી હૃદય સાથે અશ્રુપૂરિત શ્રદ્ધાંજલિ અર્પણ કરું છું. દેશ માટે બલિદાન આપનાર આ વીર જવાનના આપણે સર્વે હંમેશા ઋણી રહીશું. પ્રભુ એમના દિવ્ય આત્માને શાંતિ અને પરિજનોને શક્તિ અર્પે.

જમ્મુ કાશ્મીરમાં માતૃભૂમિની રક્ષા કરતા ચોટીલાના ચોરવીરા ગામના રઘુભાઈ બાવળીયા શહીદ થતા દુ:ખી હૃદય સાથે અશ્રુપૂરિત શ્રદ્ધાંજલિ અર્પણ કરું છું.

દેશ માટે બલિદાન આપનાર આ વીર જવાનના આપણે સર્વે હંમેશા ઋણી રહીશું.

પ્રભુ એમના દિવ્ય આત્માને શાંતિ અને પરિજનોને શક્તિ અર્પે.

ૐ શાંતિ...

— Vijay Rupani (@vijayrupanibjp) October 21, 2020