કોરોના વાયરસ / અનલૉક-2: ગુજરાતમાં આ પ્રતિબંધો હટાવવાના સંકેત, રાત્રી કર્ફ્યુ અંગે ગૃહવિભાગની સ્પષ્ટતા

• 1 જુલાઈથી અનલૉક-2ની તૈયારીઓ
• 12 વાગ્યાથી સવારના 5 વાગ્યા સુધી કરાય તેવી શક્યતા
• રાત્રી કર્ફ્યુ દરમિયાન મુસાફરોને અટકાવવા નહીંઃ ગૃહવિભાગ

1 જુલાઈથી અનલૉક-2ની તૈયારીઓ શરૂ થઇ ગઇ છે, જેમાં હાલ રાત્રિના 9 વાગ્યાથી સવારના 5 વાગ્યા સુધી રાત્રિ કર્ફ્યુ છે. જેને લંબાવીને 12 વાગ્યાથી સવારના 5 વાગ્યા સુધી કરાય તેવી શક્યતા છે. ધંધા-રોજગારના સમયમાં ફેરફાર થવાની પણ શક્યતા છે.

રાજ્ય સરકાર સાંજે 7 વાગ્યાથી વધારી 10 વાગ્યાનો કરવામાં આવે તેવી શક્યતા છે. પબ્લિક ટ્રાન્સપોર્ટ પણ 70% શરૂ કરવાનો પણ નિર્ણય લેવાઈ શકે છે. રેસ્ટોરાં-હોટલ-બજારોને 10 વાગ્યા સુધી ખુલ્લા રાખવા પર વિચારણા કરવામાં આવી રહી છે.

હવે ક્યા સુધી કોરોના-કોરોના કરીશુઃ આર.સી ફળદુ

સૂત્રોના જણાવ્યા મુજબ રાજ્ય સરકાર સોશિયલ ડિસ્ટન્સ અને માસ્કના પાલનના કડક આદેશ સાથે હજુ થોડા દિવસ સુધી રાત્રિ કર્ફ્યુ ચાલુ રાખવામાં આવે તેવી શક્યતા છે. ત્યારે આર.સી ફળદુએ કહ્યું કે, હવે ક્યા સુધી કોરોના-કોરોના કરીશુ. કોરોના હવે જીવનનો ભાગ બની જવો જોઈએ.

રાત્રી કર્ફ્યુ દરમિયાન મુસાફરોને અટકાવવા નહીંઃ ગૃહવિભાગ

રાત્રી કર્ફ્યુ અંગે ગૃહવિભાગે સ્પષ્ટતા કરી છે કે, રાત્રી દરમિયાન મુસાફરોને અટકાવવામાં ન આવે. અન્ય રાજ્યો કે જિલ્લામાંથી મુસાફરી કરીને બસ સ્ટોપ, રેલવે સ્ટેશન કે એરપોર્ટ પરથી મુસાફરોને ન અટકાવવામાં આવે. ગૃહવિભાગે અનલોક 1માં રાત્રે નવ વાગ્યાથી સવારે 5 વાગ્યા સુધી કર્ફ્યુ લગાવ્યું છે જેને લઈને રાત્રે મુસાફરી કરીને આવતા લોકોને હેરાન ન થવું પડે તે માટે આ નિર્ણય લેવાયો છે.