ક્રાઇમ / પતિ જબરજસ્તીથી પોર્ન દેખાડે છે પછી... પોલીસ સામે અમદાવાદની મહિલાએ વર્ણવી આપવીતી

Ahmedabad Crime News: મહાનગર અમદાવાદની એક મહિલાએ પોલીસ સામે પોતાની ચોકાવનારી આપવીતી જણાવી છે. મહિલાનો આરોપ છે કે તેનો પતિ જબરજસ્તી તેને પોર્ન ફિલ્મો જોવા માટે દબાણ કરતો અને પછી તેના પર અકુદરતી કૃત્યો કર્યા. જો તેણી પ્રતિકાર કરે તો તે તેને માર મારે છે. જ્યારે તેણી બીમાર હોય ત્યારે તે ઉત્તેજના વધારતી દવા ખવડાવે છે પછી જબરજસ્તી સંબંધ બનાવે છે. મહિલાએ તેના પતિ, સાસુ અને દિયર સામે ગંભીર આરોપો લગાવ્યા છે.

અમદાવાદમાં એક મહિલાએ તેની સાસરિમાં એટલો બધો ત્રાસ મળ્યો કે સાંભળીને તમે પણ ચોકી જશો. મહિલાએ તેના પતિ પર ગંભીર આરોપો લગાવ્યા છે, જેમાં આરોપ લગાવવામાં આવ્યો છે કે તે તેણીને પોર્ન ફિલ્મો બતાવતો, માર મારતો અને તેના પર અકુદરતી કૃત્યો કરતો. પીડિતાએ તેના પતિ, સાસુ અને દિયર વિરુદ્ધ મહિલા પોલીસ સ્ટેશનમાં ફરિયાદ નોંધાવી છે.

આ સમગ્ર ઘટના શહેરના શાહીબાગ વિસ્તારની છે. પીડિતાએ પોતાની ફરિયાદમાં જણાવ્યું છે કે તેનો પતિ પોર્ન ફિલ્મો જોવા માટે દબાણ કરતો અને વિકૃત રીતે જબરજસ્તી સંબંધ બાંધતો હતો. તેણે ગર્ભાવસ્થા દરમિયાન તેણીને લાત પણ મારી અને ગર્ભપાત કરાવવા માટે દબાણ કર્યું હતું.

તેણીને તેના સાસરિયાઓ દ્વારા સતત શારીરિક અને માનસિક ત્રાસ આપવામાં આવતો હતો. તેને જાનથી મારી નાખવાની ધમકી આપવામાં આવતી હતી. તેનાથી કંટાળીને મહિલા અમદાવાદ મહિલા પોલીસ સ્ટેશન ગઈ અને પોતાની વેદના જણાવી. તેની ફરિયાદના આધારે પોલીસે કેસ નોંધ્યો અને તપાસ શરૂ કરી.

ફરિયાદ મુજબ મહિલાના લગ્ન 2011 માં થયા હતા, પરંતુ લગ્નના 15 દિવસની અંદર તેના સાસરિયાઓએ તેની સાથે અત્યાચાર કરવાનો શરૂ કર્યો. લગ્ન સમયે તેના સાસરિયાઓએ તેણીથી એ હકીકત છુપાવી હતી કે તેનો પતિ પહેલા લગ્ન કરેલ છે અને તેને એક બાળક છે.

લગ્ન પછી તરત જ તેની સાસુ અને દિયરએ તેણીને દહેજ અંગે ટોણા મારવાનું શરૂ કર્યું. તેણી ગર્ભવતી હોવા છતાં તેણીને પૂરતો આરામ ન આપવામાં આવ્યો અને ભારે ઘરકામ કરાવ્યું. પુત્રીના જન્મ પછી પણ તેના પતિનો અત્યાચાર ઓછો થયો નહીં. તે મોટેભાગે મોડી રાત્રે ઘરે આવતો, પાર્ટીઓમાં જતો અને પત્નીની ઇચ્છા વિરુદ્ધ તેની સાથે બળજબરીથી જાતીય સંબંધ બાંધતો.

આ પણ વાંચોઃ ગુજરાત / અમદાવાદની ઈન્ટરનેશનલ સ્કૂલમાં 54 વર્ષીય સફાઈ કામદારે 5 વર્ષની બાળકી સાથે કર્યા અડપલાં, ધરપકડ કરાઈ

આ બધાથી કંટાળીને પત્ની તેના માતાપિતાના ઘરે ચાલી ગઇ હતી, પરંતુ પતિ ત્યાં જઇ બળજબરીથી તેની સાસરિમાં ઘરે પાછી લઈ ગયો. સાસુ અને દિયર પણ તેને સતત ટોણા મારતા હતા, કહેતા હતા કે "અમારો દીકરો તને પસંદ નથી કરતો, સમાજના કારણે અમારે તને રાખવી પડશે. તેં અમારું ઘર બરબાદ કરી દીધું છે. તારે છૂટાછેડા લઈને ચાલ્યા જવું જોઈએ."

ત્રીજી પુત્રીને જન્મ આપ્યા પછી પણ સાસરિયાઓનું વલણ યથાવત રહ્યું. જ્યારે પત્નીએ તેના સાસુને તેના પતિના અફેર વિશે જણાવ્યું, ત્યારે તે ગુસ્સે થઈ ગઈ અને ઝઘડો કરી પત્નીને ઘરમાંથી કાઢી મૂકી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ