બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / ખેડૂતો માટે સારા સમાચાર, જુલાઈની શરુઆતમાં જ વાવણીલાયક વરસાદ, જાણો આગાહી
7 ફોટો ગેલેરી
Last Updated: 04:50 PM, 27 June 2026
FOLLOW ON
શેર કરો
1/7
હવામાન વિભાગના વૈજ્ઞાનિક રામાશ્રય યાદવે જણાવ્યું હતું કે, ગુજરાતમાં આગામી 2 અને 3 જુલાઈ દરમિયાન વરસાદી માહોલ ફરી જામવાની શક્યતા વ્યક્ત કરવામાં આવી છે. હવામાન વિભાગની આગાહી મુજબ રાજ્યમાં સાયક્લોનિક સર્ક્યુલેશન સક્રિય બન્યું છે અને રાજ્યમાંથી ટ્રફ પસાર થવાના કારણે અનેક વિસ્તારોમાં મધ્યમથી ભારે વરસાદ વરસી શકે છે.
આ તસવીર શેર કરો
2/7
હાલ દક્ષિણ ગુજરાતમાં ચોમાસાની ગતિ ધીમી પડી છે, પરંતુ આગામી દિવસોમાં વરસાદનું જોર ફરી વધવાની સંભાવના છે. સુરત, ડાંગ, તાપી, વલસાડ, નવસારી, દમણ અને દાદરા અને નગર હવેલી સહિતના વિસ્તારોમાં વરસાદી માહોલ જોવા મળી શકે છે.
આ તસવીર શેર કરો
3/7
આજે કચ્છ, બનાસકાંઠા, સાબરકાંઠા, દાહોદ, છોટાઉદેપુર સહિત રાજ્યના અનેક જિલ્લાઓમાં વરસાદની આગાહી કરવામાં આવી છે. આ ઉપરાંત કેટલાક વિસ્તારોમાં 40થી 60 કિલોમીટર પ્રતિ કલાકની ઝડપે પવન ફૂંકાવાની શક્યતા હોવાથી સાવચેતી રાખવા સૂચના આપવામાં આવી છે.
આ તસવીર શેર કરો
4/7
દરિયાકાંઠાના વિસ્તારો માટે પણ મહત્વની ચેતવણી જાહેર કરવામાં આવી છે. 1 જુલાઈના રોજ અરબી સમુદ્રમાં પવનની ગતિ તેજ રહેવાની શક્યતા હોવાથી માછીમારોને દરિયો ન ખેડવાની સલાહ આપવામાં આવી છે. હવામાન વિભાગે નાગરિકોને વરસાદ અને પવનને ધ્યાનમાં રાખીને જરૂરી સાવચેતી રાખવા તેમજ સત્તાવાર સૂચનાઓનું પાલન કરવાની અપીલ કરી છે.
આ તસવીર શેર કરો
5/7
રાજ્યના અન્ય વિસ્તારોમાં પણ વરસાદની અસર જોવા મળી છે. મહીસાગરના ગોધરા, વલસાડ શહેર અને નર્મદાના સાગબારા સહિતના વિસ્તારોમાં વરસાદ પડતાં વાતાવરણમાં બદલાવ આવ્યો છે. સૌરાષ્ટ્ર અને ઉત્તર ગુજરાતના કેટલાક તાલુકાઓમાં પણ હળવા વરસાદના ઝાપટાં નોંધાયા છે, જેના કારણે ખેડૂતોમાં આશાનું વાતાવરણ સર્જાયું છે.
આ તસવીર શેર કરો
6/7
છેલ્લા 24 કલાક દરમિયાન ગુજરાતના વિવિધ વિસ્તારોમાં હળવાથી મધ્યમ વરસાદ નોંધાતા ચોમાસાની અસર વધુ સ્પષ્ટ બની રહી છે. સૌથી વધુ વરસાદ વલસાડ જિલ્લાના ઉમરગામ અને કચ્છ જિલ્લાના રાપર તાલુકામાં 0.47 ઇંચ નોંધાયો હતો. ત્યારબાદ વલસાડના વાપી અને જૂનાગઢ જિલ્લાના ભેસાણમાં 0.35 ઇંચ વરસાદ વરસ્યો હતો. મહીસાગરના ગોધરા વિસ્તારમાં 0.31 ઇંચ અને વલસાડ શહેરમાં 0.28 ઇંચ વરસાદ નોંધાયો હતો. નર્મદાના સાગબારામાં 0.16 ઇંચ જ્યારે રાજકોટ, સુરેન્દ્રનગરના ચુડા અને બનાસકાંઠાના દિયોદરમાં 0.08 ઇંચ વરસાદ નોંધાયો હતો. રાજ્યના વિવિધ વિસ્તારોમાં વરસેલા વરસાદથી વાતાવરણમાં ઠંડક પ્રસરી છે અને ચોમાસાની ગતિવિધિઓ વધુ સક્રિય બનતી જોવા મળી રહી છે.
આ તસવીર શેર કરો
7/7
ચોમાસાની શરૂઆત સાથે કૃષિ પ્રવૃત્તિઓને ગતિ મળવાની શક્યતા છે. વરસાદના આગમનથી ખેડૂત વર્ગમાં ખુશી જોવા મળી રહી છે કારણ કે ખેતી માટે જરૂરી ભેજ અને અનુકૂળ વાતાવરણ બનવાનું શરૂ થયું છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
