સુરક્ષા પર સવાલ / CCTV: અમદાવાદમાં થાર ચાલક પર ફિલ્મી સ્ટાઈલે જીવલેણ હુમલો, જાહેરમાં જ કરાઇ ધોકાવાળી

Ahmedabad Vasna Incident : મેટ્રોસિટી અમદાવાદથી ફરી એકવાર ચોંકાવનારી ઘટના સામે આવી છે. વાસ્તવમાં શહેરમાં જાણે પોલીસનો કે કાયદાનો કોઈપણ પ્રકારનો ડર જ ના હોય તેવી સ્થિતિ બની છે. વિગતો મુજબ અમદાવાદના વાસણા વિસ્તારમાં અસામાજિક તત્વોએ જાહેર રસ્તા પર ખુલ્લેઆમ હિંસક વર્તન કર્યું હતું. રસ્તા વચ્ચે કાર ઉભી રાખીને ફિલ્મી ઢબે હુમલો કરાયો હોવાની ઘટના CCTV કેમેરામાં કેદ થઈ છે. આ વીડિયો હાલ સોશિયલ મીડિયા પર ખૂબ વાયરલ થઈ રહ્યો છે.

શું છે સમગ્ર ઘટના ?

પ્રાથમિક વિગતો મુજબ અમદાવાદના વાસણા વિસ્તારમાં સફેદ રંગની કારમાં આવેલા કેટલાક શખ્સોએ બ્લેક કલરની થાર કારને રસ્તા પર અટકાવી હતી. ત્યારબાદ અચાનક કારના કાચ તોડવા લાગ્યા અને ભારે તોડફોડ કરી. આ સમગ્ર ઘટના દરમિયાન રસ્તા પર ટ્રાફિક જામ સર્જાયો હતો, જેના કારણે સામાન્ય નાગરિકોને ભારે હાલાકીનો સામનો કરવો પડ્યો.

આ પણ વાંચો : લગ્નમાં જમ્યા બાદ એકસાથે 50થી વધુ લોકોની તબિયત લથડી, 5 એમ્બ્યુલન્સ ઘટનાસ્થળે

આ તરફ હવે ઘટનાનો વીડિયો જોતા એવું લાગી રહ્યું છે કે, હુમલો કોઈ અંગત અદાવતના કારણે કરવામાં આવ્યો હોય, પરંતુ જાહેર રસ્તા પર આ રીતે કાયદાને હાથમાં લેવું ગંભીર બાબત છે. ઘટના સમયે આસપાસના લોકોમાં ભયનું વાતાવરણ ફેલાઈ ગયું હતું. મહત્વનું છે કે, હાલ સમગ્ર મામલાની તપાસ ચાલી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ