મહામંથન / ગ્રાઉન્ડ ઝીરો: બિપોરજોય જે તે જિલ્લામાં ત્રાટકશે ત્યાં તંત્ર કેવું છે તૈયાર? નિષ્ણાંતો વાવાઝોડાની સ્થિતિને કઈ રીતે જોઈ રહ્યા છે?

બિપોરજોય વાવાઝોડું ગુજરાતને ટકરાશે કે નહીં ટકરાય તેના અનુમાનો સતત થઈ રહ્યા છે. હવામાન નિષ્ણાંતો સતત વાવાઝોડાની દિશાના આધારે સંભવિત આગાહી આપી રહ્યા છે. એક અનુમાન એવું પણ છે કે વાવાઝોડું જેમ આગળ વધશે એમ નબળું પડશે પણ અત્યારની સ્થિતિએ વાવાઝોડાનું લેન્ડફોલ કચ્છમાં છે તે નિશ્ચિત છે અને પછી વાવાઝોડું કરાચી તરફ આગળ વધશે. હવે આ તો કુદરત છે એટલે એ તેના ક્રમ મુજબ ચાલવાની અને તેનો ક્રમ કયારે બદલાય એ કહી ન શકાય. વાવાઝોડાની આ આફત સામે ગુજરાત અલર્ટ મોડ ઉપર છે તો કેટલું છે. જે જિલ્લાઓને સંભવિત અસર થવાની છે ત્યાંના વહીવટીતંત્રની વાવાઝોડાની સંભવિત અસર સામે કેવી તૈયારી છે. કાંઠા વિસ્તારના કેટલા ગામને આઈડેન્ટિફાય કરાયા અને કેટલા લોકોના સ્થળાંતરણની વ્યવસ્થા કરવામાં આવી છે. નિષ્ણાંતો આગામી સમયમાં વાવાઝોડાની સ્થિતિને કઈ રીતે જોઈ રહ્યા છે.

ક્યા જિલ્લાની ક્યા મંત્રીને જવાબદારી?

કચ્છ

ઋષિકેશ પટેલ

પ્રફુલ્લ પાનસેરીયા

મોરબી

કનુ દેસાઈ

પોરબંદર

કુંવરજી બાવળીયા

જામનગર

મુળુભાઈ બેરા

દેવભૂમિ દ્વારકા

હર્ષ સંઘવી

જૂનાગઢ

જગદીશ વિશ્વકર્મા

ગીર-સોમનાથ

પુરુષોત્તમ સોલંકી

રાજકોટ

રાઘવજી પટેલ

 

• બિપરજોય વાવાઝોડું ઉત્તર-ઉત્તર પૂર્વ તરફ આગળ વધી રહ્યું છે
• 14 અને 15 જૂને ભારે વરસાદ થશે
• કચ્છ, દ્વારકા, જામનગરમાં વધુ વરસાદ થઈ શકે છે
• વાવાઝોડું સૌરાષ્ટ્ર પાસેથી પસાર થશે 

હવામાન વિભાગે શું કહ્યું?
બિપરજોય વાવાઝોડું ઉત્તર-ઉત્તર પૂર્વ તરફ આગળ વધી રહ્યું છે. 14 અને 15 જૂને ભારે વરસાદ થશે. કચ્છ, દ્વારકા, જામનગરમાં વધુ વરસાદ થઈ શકે છે. વાવાઝોડું સૌરાષ્ટ્ર પાસેથી પસાર થશે. વાવાઝોડું કરાચી તરફ જાય તેવી શક્યતા છે. 15 જૂનના રોજ બપોરના સમયે વાવાઝોડું લેન્ડફોલ થઈ શકે છે. વાવાઝોડું લેન્ડફોલ થશે ત્યારે 120 થી 130 કિલોમીટરની ઝડપે પવન ફૂંકાશે.

• 12 થી 16 જૂન દરમિયાન વરસાદની શક્યતા વધુ
• ઓખા, દ્વારકા, માંગરોળ, વેરાવળ, અમરેલી, ભાવનગરમાં અસર વર્તાશે
• દરિયાકાંઠે ભારે પવન ફૂંકાશે
• દરિયામાં ઊંચા મોજા ઉછળશે 

અંબાલાલ પટેલની આગાહી શું?
12 થી 16 જૂન દરમિયાન વરસાદની શક્યતા વધુ છે.  ઓખા, દ્વારકા, માંગરોળ, વેરાવળ, અમરેલી, ભાવનગરમાં અસર વર્તાશે. દરિયાકાંઠે ભારે પવન ફૂંકાશે. દરિયામાં ઊંચા મોજા ઉછળશે. મધ્ય ગુજરાત સુધી વરસાદ જોવા મળશે. ભારે ગાજવીજ અને ધૂળની ડમરી ઉડશે. બંગાળના ઉપસાગરમાં પણ એક સિસ્ટમ સક્રિય થઈ રહી છે. વાવાઝોડાનો ઘેરાવ પણ વધુ છે.