BIG BREAKING / GPSCની તૈયારી કરનારા ઉમેદવારો માટે મોટા સમાચાર, બે પ્રિલિમ પરીક્ષા થઈ મોકૂફ, જાણો કઈ અને કેમ

• GPSCએ બે પ્રિલિમ પરીક્ષા કરી મોકૂફ
• સાયન્ટિફિક ઓફિસરની 9 નવેમ્બરે યોજાનારી પરીક્ષા મોકૂફ 
• ફિઝિસ્ટ માટેની  26 નવેમ્બર લેવાનારી પરીક્ષા મોકૂફ 

GPSCની તૈયારી કરતા ઉમેદવારો માટે મહત્વના સમાચાર સામે આવ્યા છે. GPSCએ બે પ્રિલિમ પરીક્ષા મોકૂફ રાખી છે. સાયન્ટિફિક ઓફિસરની 9 નવેમ્બરે પરીક્ષા યોજાવાની હતી તે મોકૂફ રાખી છે, તેમજ  ફિઝિસ્ટ માટેની 26 નવેમ્બર લેવાનારી પરીક્ષા પણ મોકૂફ રાખી છે.  વહીવટી કારણોસર પરીક્ષા મોકુફ રાખવાનો નિર્ણય લેવામાં આવ્યો છે. 

Important Notice regarding postponement of Preliminary Examination Date for Advt. No. 44/2022-23 & 45/2022-23 https://t.co/vpSful8AA1

— GPSC (@GPSC_OFFICIAL) October 9, 2023

GPSCએ ટ્વીટ કર્યું
ગુજરાત જાહેર સેવા આયોગએ માહિતી આપતા જણાવ્યું છે કે. આયોગ દ્વારા સાયન્ટિફિક ઓફિસર (બાયોલોજી જૂથ), વર્ગ-2 અને ફિઝિસ્ટ પેરામેડીકલ, વર્ગ-2ની  અનુક્રમે  તારીખ 9 અને 26 નવેમ્બરે પરીક્ષા યોજાનારી હતી. જે વહીવટી કારણોસર હાલ પૂરતી મોકૂફ રાખવાનો નિર્ણય કરવામાં આવ્યો છે.  આ પરિક્ષાઓની નવી તારીખ નક્કી થયેથી આયોગની વેબસાઈટ પર જાહેર કરવામાં આવશે. સંબંધિત ઉમેદવારોને આયોગની વેબસાઈટ જોતા રહેવા જણાવ્યું છે.

હિસાબી અધિકારી અને અધીક્ષકની પરીક્ષાની તારીખ જાહેર કરાઈ
અત્રે જણાવીએ કે, ગુજરાત જાહેર સેવા આયોગ દ્વારા હિસાબી અધિકારી વર્ગ-2 માટેની સ્પર્ધાત્મક પરીક્ષા (સેમી ડાયરેક્ટ)ની અને અધીક્ષક, વર્ગ-2 (નિયામક, અભિલેખાગાર)ની અગાઉ મુલતવી રાખેલ પ્રાથમિક કસોટીઓની નવી તારીખો નિયત કરવામાં આવેલ છે. જે અનુક્રમે 1થી1 નવેમ્બર તેમજ અધીક્ષકની 9 નવેમ્બરે પરીક્ષા યોજાશે 

જુઓ પરિપત્ર