BIG NEWS / GPSCએ મેડિકલ ઓફિસર (MO) વર્ગ-2ની પરીક્ષાનું પરિણામ કર્યું જાહેર, 704 ઉમેદવારો ઉતીર્ણ

• GPSC એ  મેડિકલ ઓફિસર વર્ગ-૨ ની પરીક્ષાનુ પરિણામ જાહેર કર્યું
• ૭૦૪ ઉમેદવારો મેડિકલ ઓફિસરની પરીક્ષામાં ઉત્તીર્ણ થયા
• રાજ્ય આરોગ્ય સેવાઓ અને સુવિધાઓ વધુ સુદ્રઢ બનશેઃઋષિકેશ પટેલ

 ગુજરાત જાહેર સેવા પસંદગી મંડળ દ્વારા લેવાયેલ વર્ગ-૨ મેડિકલ ઓફિસરની પરીક્ષાનું આજે પરિણામ જાહેર કરવામાં આવ્યું છે. જેના અંતર્ગત ૭૦૪ જેટલા ઉમેદવારોને મેડિકલ ઓફિસર તરીકે ઉત્તીર્ણ થયા છે . રાજ્ય આરોગ્ય વિભાગ દ્વારા સત્વરે તમામની મેડિકલ ઓફિસરની નિમણૂક પ્રક્રિયા સત્વરે હાથ ધરવામાં આવશે.

Final Result, Advt. No. 137/2020-21 Medical Officer, Gujarat Medical Service, Class-2 and Tutor of Various Subject, General State Service, Class-2https://t.co/LhiJtYvlyU

— GPSC (@GPSC_OFFICIAL) April 3, 2023

આરોગ્ય સેવાઓ અને સુવિધાઓ વધુ સુદ્રઢ બનશે
આરોગ્ય મંત્રી ઋષિકેશ પટેલે જણાવ્યું છે કે, વર્ષ 2024 સુધીમાં રાજ્યના તમામ સરકારી આરોગ્ય કેન્દ્ર ખાતે વર્ગ-૧ અને ૨ ની તમામ જગ્યાઓ ભરવા માટે રાજ્ય સરકાર કટિબદ્ધ છે. આ નવીન ૭૦૪ મેડિકલ ઓફિસરો નું સંખ્યાબળ આરોગ્ય વિભાગમાં ઉમેરાતા  રાજ્ય આરોગ્ય સેવાઓ અને સુવિધાઓ વધુ સુદ્રઢ બનશે તેમ તેમણે ઉમેર્યું છે.