સાયબર ફ્રોડ / સાયબર ક્રાઈમને રોકવા કેન્દ્ર સરકારે બનાવ્યો જબરદસ્ત પ્લાન, ફ્રોડ કરનારાની હવે ખેર નહીં!

ઓનલાઈન ફ્રોડની સમસ્યાથી કેન્દ્ર સરકાર ઘણી પરેશાન છે. ઓનલાઈન ફ્રોડની મોટાભાગની ઘટનાઓને મોબાઈલ ફોન દ્વારા કરવામાં આવે છે. સરકાર દ્વારા ઓનલાઈન ફ્રોડને રોકવાના તમામ પ્રયાસો નિષ્ફળ ગયા છે, પરંતુ સમસ્યા હજુ પણ યથાવત છે. આવી સ્થિતિમાં સરકાર કાર્યવાહી કરવાના મૂડમાં છે. 

સરકારે બનાવી 100 દિવસની યોજના 

સરકારે 100 દિવસની યોજના તૈયાર કરી છે જે અંતર્ગત અજાણ્યા કોલ કરીને ફ્રોડ કરનારાઓની ઓળખ કરવામાં આવશે. સાથે જ ફ્રોડ કરનારાઓના નંબરો પણ બ્લોક કરી દેવામાં આવશે. ઉપરાંત, આવા કેસોની ફરિયાદ કરવા માટે એક નોડલ એજન્સી બનાવવામાં આવશે, જે નેશનલ સાયબર સિક્યોરિટી એજન્સી તરીકે ઓળખાશે. સરકાર કોઈપણ પ્રકારની છેતરપિંડીની સમયસર ઓળખ કરીને તેને રોકવાનો પ્રયાસ કરી રહી છે.

કોલર આઈડીનો નિયમ લાગુ કરવામાં આવશે

સરકારે 100 દિવસમાં કૉલિંગ નેમ પ્રેઝન્ટેશન એટલે કે CNAP સેવા શરૂ કરવાની જાહેરાત કરી છે. આવી સ્થિતિમાં દેશમાં 1 ઓગસ્ટથી કોલર આઈડી સિસ્ટમ લાગુ થઈ શકે છે. તેમજ નેશનલ સાયબર સિક્યોરિટી એજન્સી (NCSA) શરૂ કરવામાં આવશે. તમને જણાવી દઈએ કે NCSA એક સરકારી સંસ્થા છે, જે ડિજિટલ ફ્રોડને રોકવા માટે કામ કરે છે.

વધુ વાંચો: ભૂલથી પણ ન કરતા આ Appનો યુઝ, નહીંતર YouTube એકાઉન્ટ થઇ જશે બૅન, જાણો વિગત

સરકારે લીધા છે આ મોટા પગલા 

આ વર્ષે સરકાર દ્વારા 13 મિલિયન શંકાસ્પદ સિમ કાર્ડ બ્લોક કરવામાં આવ્યા છે. તેમજ 70 હજાર પોઈન્ટ ઓફ સેલ મશીન ડિસ્કનેકટ લારવામાં આવ્યા. આ વર્ષે લગભગ 1.56 લાખ હેન્ડસેટથી છેતરપિંડીના બનાવો બન્યા છે. આ સમયગાળા દરમિયાન, લગભગ 200K નકલી SMS હેન્ડલ બંધ કરવામાં આવ્યા છે. ટેલિકોમ રેગ્યુલેટરી ઓથોરિટી ઓફ ઇન્ડિયા એટલે કે TRAI એ 23 ફેબ્રુઆરીએ ફ્રોડ કોલ્સ રોકવા માટે CNAP બનાવવાનો પ્રસ્તાવ આપ્યો હતો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો