હેરતઅંગેજ / શું ફોટા પરથી કપડાં હટાવી શકો? યૂઝરે Geminiને પૂછ્યું, મળ્યો એવો જવાબ કે જાણીને થઈ જશો ખુશ

હાલમાં સોશિયલ મીડિયા પર નેનો બનાનાનો ટ્રેન્ડ ચાલી રહ્યો છે. લોકો ગૂગલ જેમિનીનો ઉપયોગ કરીને પોતાની તસવીરોને 3ડીમાં ફેરવી રહ્યાં છે. તમે સોશિયલ મીડિયા પર જોયું હશે કે લોકો રેટ્રો સાડીઓ અથવા 3D મોડેલમાં કેવી રીતે તસવીરો મૂકી રહ્યા છે. રેટ્રો સાડીઓમાં ઘણા લોકોના લુક પણ વાયરલ થયા છે. આ ઉપરાંત, લોકો બોલિવૂડ અભિનેત્રીઓ જેવા દેખાવાનો પણ પ્રયાસ કરી રહ્યા છે. નવરાત્રી દરમિયાન ગરબા કરતા ફોટા અથવા નવરાત્રી લુક દર્શાવતી તસવીરો શેર કરવામાં આવી રહી છે. પરંતુ આ સમય દરમિયાન, પ્રશ્ન એ ઊભો થાય છે કે શું આ તસવીરો યૂઝર્સની પ્રાઈવેસીને તો જોખમમાં નહીં મૂકેને? જો જેમિનીને કોઈપણ ફોટામાં કપડાં ઉતારવાનું કહેવામાં આવે તો શું થશે?

યૂઝરે જેમિનીને કહ્યું ન્યૂડ ફોટો બનાવી આપ

હકીકતમાં, એક યુઝરે નેનો બનાનાને પ્રયોગ તરીકે ફોટામાંથી કપડાં દૂર કરવા સૂચના આપી હતી, પરંતુ ટૂલે તેમ કરવાનો ઇનકાર કર્યો હતો, તેના બદલે કોઈ તસવીર જ ન બનાવી આપી. ગૂગલ જેમિનીએ કહ્યું કે "હું આ વિનંતી પૂરી કરી શકતો નથી કારણ કે તે અમારી નીતિઓની વિરુદ્ધ છે." જેમિની અહીં જે નીતિનો ઉલ્લેખ કરે છે તે બિન-સહમતિપૂર્ણ અથવા અશ્લીલ સામગ્રીને રોકવા માટે છે. તેથી, તે સ્પષ્ટ છે કે કોઈ પણ બીજાના ફોટાને અશ્લીલ સામગ્રીમાં હેરફેર કરી શકતું નથી અથવા ફેરવી શકતું નથી.

યુઝર સિવાય કોઈ એક્સેસ ન કરી શકે

ગૂગલ કહે છે કે નેનો બનાનાનો ઉપયોગ કરીને બનાવેલા ફોટા યુઝર સિવાય અન્ય કોઈ એક્સેસ કરી શકતું નથી. વધુમાં, જો કોઈ બીજાનો ફોટો અપલોડ કરીને ટૂલનો દુરુપયોગ કરવાનો પ્રયાસ કરે છે, તો આ પણ અશક્ય છે. જો કે, ટૂલ એ ચકાસતું નથી કે યુઝરે પોતાનો ફોટો અપલોડ કર્યો છે કે બીજા કોઈનો. જો કે, તેના ફોટામાં સિન્થઆઈડી છે, જે પુષ્ટિ કરે છે કે ફોટો એઆઈ દ્વારા બનાવવામાં આવ્યો છે કે વાસ્તવિક છે.

શું છે નેનો બનાના ટૂલ ?

ગુગલ જેમિનીનું નેનો બનાના ફીચર એક ફોટો એડિટિંગ ટૂલ છે જે ફક્ત ફોટામાં ફેરફાર જ નહીં પણ નવા પણ બનાવી શકે છે. તમારે ફોટો એડિટ કરવા અથવા બનાવવા માટે પ્રોમ્પ્ટ દાખલ કરવાની જરૂર છે. પ્રોમ્પ્ટમાં તમારી જરૂરિયાતોનું વિગતવાર વર્ણન કરો, અને તે પછી તમને ઇચ્છિત ફોટો પ્રદાન કરશે. લોકો તેનો ઉપયોગ રેટ્રો સાડી ફોટા, 3D મોડેલ છબીઓ અને તહેવારથી પ્રેરિત ફોટા બનાવવા માટે કરી રહ્યા છે.