શોભાવો પ્રસંગ / હવે લઈ લેવાય, ઓલટાઈમ હાઈથી સોનાના ભાવમાં થયો મોટો ઘટાડો, 14 થી 24 કેરેટ સુધી થયું સસ્તું

24 કેરેટ સોનાના ભાવમાં 205 રુપિયાનો ઘટાડો
10 ગ્રામનો ભાવ થયો 58500 રુપિયા
હવે સોનું તેના ઓલટાઈમ ભાવથી 3218 રુપિયા સસ્તું મળી રહ્યું છે  

છેલ્લા થોડા સમયમાં ચાલી રહેલા સોનામાં ઘટાડાનો ટ્રેન્ડ આજે (27 જુન) પણ યથાવત રહ્યો છે. આજે 14 થી માંડીને 24 કેરેટ સોનાના ભાવમાં ઘટાડો જોવા મળ્યો છે. 24 કેરેટનું સોનું 205 રુપિયા સસ્તું થઈને પ્રતિ 10 ગ્રામ 58521 પર પહોંચ્યું છે. 

ઓલ ટાઇમ હાઈથી 3218 રુપિયા સસ્તું  
હવે સોનું તેની ઓલ ટાઇમ હાઈથી 69695 રૂપિયાથી 3218 રુપિયા સસ્તું મળી રહ્યું છે. 5  મે 2023ના રોજ સોનાનો ભાવ પ્રતિ 10 ગ્રામ 
61739 રુપિયા થયો હતો, જેમાં આજે 3218 રુપિયાનો ઘટાડો આવ્યો છે. 

14થી 23 કેરેટ સોનાનો ભાવ શું છે?
ઈન્ડીયા બુલિયન એન્ડ જ્વેલર્સ એસોસિએશન દ્વારા જાહેર કરવામાં આવેલા રેટ મુજબ મંગળવારે 23 કેરેટ સોનાની કિંમત ઘટીને 58287 રૂપિયા પ્રતિ 10 ગ્રામ પર આવી ગઇ છે. તે જ સમયે, 22 કેરેટ સોનાની કિંમત 53605 રૂપિયા છે. 14 કેરેટ સોનાનો ભાવ 34235 રૂપિયા અને 18 કેરેટ સોનાનો ભાવ ઘટીને 43891 રૂપિયા પર આવી ગયો છે. સોના-ચાંદીના ભાવ પર જીએસટી અને જ્વેલરી મેકિંગ ચાર્જ નથી.

હજુ વધુ ઘટી શકે ભાવ
બુલિયન નિષ્ણાંતોએ જણાવ્યું છે કે હાલ લગ્નસરાની કોઈ સિઝન નથી એટલે સંભવ છે કે સોનાના ભાવમાં હજુ પણ ઘટાડો આવી શકે. જોકે સોનાનું બજાર અસ્થિર છે, તેમાં ગમે ત્યારે વધારો કે ઘટાડો આવી શકે. 

હાલમાં સોનું લેવાય કે નહીં
સોનાની ડિમાન્ડ તો ઓલ ટાઈમ છે, એવો કોઈ સમય નહીં હોય કે સોનું લોકોને ન આકર્ષિત કરતું હોય એક રીતે જોવા જઈએ તો હજુ દોઢ મહિના પહેલા સોનાનો ભાવ 62,000 નજીક પહોંચવા આવ્યો હતો પરંતુ હાલમાં તે 58,000ની અંદર પહોંચ્યો છે એટલે જરુર હોય તો સોનું ખરીદી શકાય, દોઢ મહિનાની તુલના અગાઉ તે તમને સસ્તું પડી શકે.