બિઝનેસ / લગ્નની સીઝનમાં સોનાનો ભાવ ઓલ-ટાઈમ હાઈ, 75000ની સપાટીને ટચ, હજુ પણ વધી શકે છે રેટ

સોનાની કીંમતમાં તેજી હજુ બરકરાર છે. તેના કારણે સોનાની કીંમત આસમાને પહોંચી છે. આપણા દેશમાં એક તરફ લગ્નની સીઝન આવી છે ને બીજી તરફ સોનાની કીંમત વધી રહી છે. અત્યારે સોનામાં ઘટાડો થાય તેવી સંભાવના પણ નથી દેખાઈ રહી. અનેક રિપોર્ટમાં એવી શક્યતાઓ વ્યક્ત કરાઈ રહી છે કે સોનાનો હજુ તો વધારે ભાવ વધશે. એપ્રિલ માસમાં સોનુ 6400 રુપિયા જેટલુ મોંઘુ થયુ છે. 

બુલિયન માર્કેટમાં 16મી એપ્રિલે સોનાનો ભાવ 73514 રુપિયા પ્રતિ 10 ગ્રામ સુધી પહોંચી ગયો હતો. આ ભાવ ઓલટાઈમ હાઈ સુધી પહોંચ્યો હતો.   તો બીજી તરફ ચાંદી પણ 83632 રુપિયા પ્રતિ કિલોએ પહોંચ્યુ હતુ. પરંતુ છેલ્લે સોનું 73302 રુપિયા અને ચાંદી 83213 રુપિયા પર બંદ થયુ હતુ. જો આજની એટલે કે 17 એપ્રિલની વાત કરીયે તો સોનાનો ભાવ ઓલટાઈમ હાઈ પર પહોંચી ગયો છે. સોનાના 10 ગ્રામનો ભાવ 75,500 રુપિયા સુધી પહોંચી ગયો છે.

બે માસમાં ભાવમાં જોરદાર ઉછાળો

છેલ્લા બે માસમાં સોનાનો ભાવ 13 હજાર જેટલો વધ્યો છે. તો ચાંદીનો ભાવ 14000 રુપિયા જેટલો વધ્યો છે.23 ફેબ્રુઆરીના રોજ સોનાનો ભાવ 62,008 રુપિયા હતો, અને ચાંદીનો ભાવ 69653 રુપિયા હતો. આ રેટમાં GST અને મેકિંગ ચાર્જ સામેલ નથી, જેથી તમે સોનું - ચાંદી ખરીદવા જાઓ છો તો તમને આનાથી પણ મોંઘુ મળી શકે છે.

વધુ વાંચોઃ કાર લોન લેવાનું વિચારો છો? તો પહેલા જાણો આ નિયમ, તમને થશે ફાયદો

કેમ વધી રહ્યા છે ભાવ ?
સોના ચાંદીના ભાવ વધવા માટે ઝિયોપોટિકલ કારણોને પણ માનવામાં આવે છે. ઈઝરાયલ - ઈરાન વચ્ચેના તણાવને કારણે પણ સોનાની કીંમત વધી રહી હોવાનું મનાઈ રહ્યુ છે. કેન્દ્રીય બેંક સોનું ખરીદી રહ્યુ છે. RBIએ 8700 કિલોગ્રામ સોનું ખરીદ્યુ હતુ. ચીનની કેન્દ્રીય બેંક પણ સોનાની લગાતાર ખરીદી કરી રહ્યુ છે. આ સિવાય માર્કેટ એક્સપર્ટ લોકોનું કહેવુ છે કે, ઈન્ટરનેશનલ માર્કેટમાં ડોલરની તુલનામાં રુપિયો કમજોર થઈ રહ્યો છે માટે પણ આપણે અહીંયા તેની અસર સોનાની કીંમત પર પડી રહી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો