ભાવનગર / તળાજાના MLAના પુત્રના કોન્સ્ટેબલને માર મારવાના કેસમાં નવો વળાંક, બબાલ બાદ પિતા-પુત્રનો ઓડિયો વાયરલ

• કોન્સ્ટેબલને માર મારવાના કેસમાં નવો વળાંક
• કોન્સ્ટેબલ સાથે થયેલી વાત બાદ ઓડિયો વાયરલ
• ગૌરાંગ ચૌહાણ અને ગૌતમ ચૌહાણનો ઓડિયો વાયરલ

તળાજાના MLAના પુત્રએ કોન્સ્ટેબલને માર મારવાના કેસમાં નવો વળાંક આવ્યો છે. કોન્સ્ટેબલ અને ગૌરાંગ ચૌહાણ વચ્ચે થયેલી બબાલ બાદનો ઓડિયો વાયરલ થયો છે જે ઓડિયોમાં બબાલ બાદ ગૌરાંગ ચૌહાણે ફોન કરી MLA ગૌતમ ચૌહાણને પોલીસ મોકલવા કહ્યું હતું

DySPનું નિવેદન
ધારાસભ્ય અને તેના પુત્રના મિત્ર સાથે થયેલી વાતચીતનો ઓડિયો વાયરલ થયો છે. માર મારવાની ઘટનામાં DySP જયદીપસિંહ સરવૈયાનું નિવેદન સામે આવ્યો છે. તેમણે કહ્યું કે, પોલીસ CCTV ફૂટેજ એકઠા કરી રહી છે અને CCTVના આધારે આગળની કાર્યવાહી હાથ ધરી છે. કોન્સ્ટેબલ શૈલેષ ધાંધલિયાએ ગૌરાંગ ચૌહાણ પર આક્ષેપ લગાવ્યો હતો. ગૌરાંગ ચૌહાણે મિત્રો સાથે મળીને માર માર્યાનો આક્ષેપ કર્યો હતો. 

ગૌતમ ચૌહાણનું નિવેદન
તમને જણાવી દઈએ કે, બાઈક અથડાવવા મુદ્દે ગૌરાંગ ચૌહાણની બબાલ થઈ હતી, કોન્સ્ટેબલે સમાધાન માટે બોલાવતા ગૌરાંગ ચૌહાણે માર માર્યાનો આક્ષેપ કર્યો હતો. પોલીસ કોન્સ્ટેબલના આક્ષેપને લઈ MLA ગૌતમ ચૌહાણનું નિવેદન સામે આવ્યું હતું. તેમણે કહ્યું કે, કોન્સ્ટેબલના આક્ષેપો પાયાવિહોણા છે અને આ મને બદનામ કરવાનું ષડયંત્ર છે. તેમણે ઉમેર્યું કે, બાઈક ચાલકે મારા પુત્રની કાર સાથે અકસ્માત કર્યો હતો અને મારો પુત્ર માત્ર FIR નોંધવા ગયો હતો, પોલીસ કોન્સ્ટેબલે બાઈક ચાલકને બદલે મારા પુત્ર વિરુદ્ધ જ ફરિયાદ નોંધી.

સળગતા સવાલ
MLAના પુત્ર વિરુદ્ધ કાર્યવાહી કરવામાં આવશે?
શું MLAનો પુત્ર પોતાની મનમાની કરી શકે?
MLA પોતાના પુત્રનો બચાવ કેમ કરે છે?
MLA પોલીસના આક્ષેપને કેમ ફગાવે છે?
ગૌરાંગ ચૌહાણની ધરપકડ ક્યારે કરવામાં આવશે?