અમદાવાદ / ગાંધી આશ્રમના રિડેવલપમેન્ટને લઈ ગાંધીજીના પ્રપૌત્ર પહોંચ્યા હાઇકોર્ટમાં, જાણો શું કહ્યું અરજીમાં

Kiran

Last Updated: 11:41 AM, 28 October 2021

FOLLOW ON

શેર કરો

ગાંધી આશ્રમમાં રિડેવલપમેન્ટને લઈને હાઈકોર્ટમાં જાહેરહિતની અરજી કરાઈ છે જેમાં તુષાર ગાંધીએ કહ્યું કે ગાંધી આશ્રમમાં રિડેવલપમેન્ટ એ ગાંધીજીના સિદ્ધાંતોનું હનન છે, ઐતિહાસિક ધરોહર હોવાથી રિડેવલપમેન્ટ ન થઈ શકે તેવી અરજીમાં રજૂઆત

ગાંધી આશ્રમના રિડેવલપમેન્ટ મુદ્દે જાહેરહિતની અરજી
ગાંધીજીના પ્રપૌત્ર તુષાર ગાંધીએ કરી હાઈકોર્ટમાં અરજી
ગાંધી આશ્રમ ઐતિહાસિક મહત્વ ધરાવતી ધરોહર : તુષાર ગાંધી

ગાંધી આશ્રમની મૂળ સ્થિતિ જળવાઈ રહે તે માટે ગાંધી આશ્રમ વિસ્તારને વિશ્વ કક્ષાનો બનાવવા 1200 કરોડનો પ્રોજેક્ટ હાથ ધરાનાર છે જેમાં ગાંધી આશ્રમમાં રહેતા આશ્રમવાસીઓને 55 એકરની જમીનમાં અલાયદી જગ્યા ફાળવાશે. એટલું જ નહીં ગાંધી આશ્રમને સાયલન્ટ ઝોન તરીકે જાહેર કરવામાં આવશે. પૂર્વ પ્રધાનમંત્રી મોરારજી દેસાઈના સમાધિસ્થળનો પણ વિકાસ કરવામાં આવશે. ગાંધી સંશોધન અને વિકાસ તથા વિસ્તાર માટે નવો વિભાગ શરૂ કરવામાં આવશે. આ ઉપરાંત ગૌશાળા ટ્રસ્ટ, ખાદી ભવન વગેરેનો પણ વિસ્તાર કરવામાં આવશે.

ગાંધી આશ્રમ ઐતિહાસિક મહત્વ ધરાવતી ધરોહર

હવે જ્યારે ગાંધી આશ્રમ ખાતે રિડેવલપમેન્ટ પ્રોજેક્ટ હાથ ધરાનાર છે એવામાં આ પ્રોજેક્ટને લઈને ગુજરાત હાઈકોર્ટમાં એક જાહેરહિતની અરજી કરવામાં આવી છે આ અરજી ગાંધીજીના પ્રપૌત તુષાર ગાંધી દ્વારા કરવામાં આવી છે જેમાં ગાંધી આશ્રમના રિડેવલપમેન્ટ મુદ્દે રજૂઆત કરવામાં આવી છે અરજીમાં કહેવાયું છે કે, ગાંધી આશ્રમ ઐતિહાસિક મહત્ત્વ ધરાવતી ધરોહર છે, તેના રિડેવલપમેન્ટ કરી શકાય નહિ. લાખો લોકોના ગાંધીજી સાથેના ઐતિહાસિક સંસ્મરણો ધરાવતા આશ્રમની કાયાપલટ કરી શકાય નહિ એટલું જ નહીં ગાંધી આશ્રમનું ઓરિજનલ સ્વરૂપ બદલાશે તો લાખો ગાંધીવાદીઓની લાગણીઓ પણ દુભાઈ શકે છે. આ ઉપરાંત જાહેરહિતની અરજીમાં એવી પણ રજૂઆત કરાઈ છે કે, આશ્રમમાં લગભગ 7 દાયકાથી રહેતા આશ્રમવાસીઓને અન્યત્ર જગ્યાએ ખસેડવાનો નિર્ણય પણ ગેરબંધારણીય છે. મૂળ ધરોહરને તેના મૂળ સ્વરૂપથી અલગ બનાવાતાં તેનં મૂલ્ય ઘટી જશે. આશ્રમનું રિડેવલપમેન્ટ કરવાથી ગાંધીજી દ્વારા પ્રસ્થાપિત સિદ્ધાંતોનું જ હનન થયું ગણાશે. આ અંગેની સુનાવણી આગામી દિવસોમાં હાથ ધરાશે.

ગાંધીજીના પ્રપૌત્ર તુષાર ગાંધીએ કરી હાઈકોર્ટમાં અરજી

આશ્રમનું રિડેવલપમેન્ટ કરવા મુદ્દે કરાયેલી અરજીમાં તુષાર ગાંધીએ કહ્યું છે કે, ગાંધી આશ્રમ સાથે સંકળાયેલા 6 ટ્રસ્ટો પણ ગાંધીજીના સિદ્ધાંતો માટે કોઈ લડત આપી રહ્યા નથી. આ અરજીમાં 6 ટ્રસ્ટોને પણ પક્ષકાર બનાવવામાં આવ્યા છે. તુષાર ગાંધીએ વધુમાં કહ્યું છે કે સરકાર આ આશ્રમને પોતાને હસ્તક કરી રહી છે તે તદ્દન ગેરકાયદે છે. સરકાર ગાંધી આશ્રમમાં હસ્તક્ષેપ પણ ન કરી શકે તેવું તેના બંધારણમાં ઠેરવ્યું છે છતાં સરકાર કરોડના ખર્ચે રિડેવલપમેન્ટ પ્રોજેક્ટ કરી રહી છે. ગાંધીજી પોતે હયાત હોત તો તે પણ ઉપવાસ ઉપર બેઠા હોત. તેઓ સાદગીના આગ્રહી હતા તેમના વિચારોથી વિપરીત સરકાર નિર્ણય લઇ રહી છે તે યોગ્ય નથી.

સાબરમતી આશ્રમ ડેવલપમેન્ટ પ્રોડેક્ટ