કોમનવેલ્થ ગેમ્સ 2022 માં આઠમાં દિવસે ભારતીય રેસલર્સનો દબદબો રહ્યો હતો. સાક્ષી મલિક અને બજરંગ પુનિયાએ ગોલ્ડ મેડલ જીત્યો હતો. આ સાથે દેશને કુલ આઠ ગોલ્ડ મળ્યા હતા.
કોમનવેલ્થ ગેમ્સ 2022 રેસલર્સનો દબદબો
ભારતને મળશે વધુ ચાર મેડલ
બજરંગ પુનિયાને ગોલ્ડ અને અંશુ મલિકને સિલ્વર મેડલ
કોમનવેલ્થ ગેમ્સ 2022 માં આઠમાં દિવસે ભારતીય રેસલર્સનો દબદબો રહ્યો હતો. ભારતીય ખેલાડીઓએ શાનદાર પ્રદર્શન કર્યું હતું.
ભારતીય કુશ્તીબાજો દિપક પુનિયા, બજરંગ પુનિયા, સાક્ષી મલિક અને અંશુ મલિક સહિતનાં ખેલાડીઓએ સફળતા મેળવી હતી.
કોમનવેલ્થ ગેમ્સમાં અત્યાર સુધી ભારતનું શાનદાર પ્રદર્શન રહ્યું છે. ભારતે 20 થી વધારે મેડલ્સ મેળવી લીધા છે.
બજરંગ પુનિયા
બજરંગ પુનિયાએ ફાઇનલમાં જીત મેળવી હતી. ભારતના દિગ્ગજ પહેલવાન બજરંગ પુનિયાએ પુરુષોના 62 કિલોગ્રામ ભારવર્ગમાં શુક્રવારના રોજ કોમનવેલ્થ ગેમ્સમાં ગોલ્ડ મેડલ પોતાના નામે કર્યો છે. બજરંગે ફાઈનલમાં કેનેડાના લાચનાલ મેક્નિલને 9-2થી માત આપીને ગોલ્ડ પોતાના નામે કર્યો હતો.
અગાઉ બજરંગે સેમિફાઇનલમાં ઈંગ્લેન્ડની જોર્જ રેમને 65 કિલો કેટેગરીમાં 10-0 થી સજ્જડ પરાજય આપ્યો હતો.
અંશુ મલિક
કુશ્તીબાજ અંશુ મલિકે 57 કિલો કેટેગરી ફ્રી સ્ટાઈલ રેસલિંગની ફાઇનલમાં હાર મળી હતી અને સિલ્વર મેડલથી સંતોષ માનવો પડ્યો હતો.
દિપક પુનિયા
ભારતને રેસલિંગમાં મળ્યો વધુ એક ગોલ્ડ અપાવતાં દિપક પુનિયાએ 86 કિલો કેટેગરીમાં પાકિસ્તાનનાં મોહમ્મદ ઈનામને હરાવીને ગોલ્ડ મેડલ જીત્યો હતો.
અગાઉ કુશ્તીબાજ દિપક પુનિયા 86 કિલો ગેટેગરી ફ્રી સ્ટાઈલ રેસલિંગની ફાઇનલમાં પહોંચ્યા હતા તેમણે એલેક્ઝાન્ડર મુરને 86 કિલો કેટેગરીમાં 3-1 થી માત આપી હતી. જો કે ભારતનાં મોહિત અગ્રવાલને કેનેડાનાં અમરવીર ઢેસી વિરુદ્ધ હારનો સામનો કરવો પડ્યો હતો.
સાક્ષી માલિક
આ સિવાય સાક્ષી મલિકને પણ જીતનો સ્વાદ ચાખવા મળ્યો હતો. ભારતની સાક્ષી મલિકે મહિલા ફ્રી સ્ટાઇલ 62 કિગ્રા વજન વર્ગની ફાઇનલમાં કેનેડાની અના ગોડિનેઝ ગોન્ઝાલેઝને હરાવી કોમનવેલ્થ ગેમ્સમાં ગોલ્ડ મેડલ જીતી લીધો છે. બજરંગ પૂનીયાનાં ગોલ્ડ બાદ આ ભારત માટે આઠમો ગોલ્ડ મેડલ હતો
અગાઉ સાક્ષીએ પોતાની ફાઇનલમાં જગ્યા પક્કી કરતાં 62 કિલો કેટેગરીમાં સેમિફાઇનલમાં બર્થ એમિલીએને 10-0 થી સજ્જડ માત આપી હતી. આ રીતે કોમનવેલ્થ ગેમ્સ 2022 માં ભારતીય પહેલવાન ચાર મેડલ પાક્કા કરી ચૂક્યા છે. તો દિવ્યા કાકરાને 68 કિલોગ્રામ કુશ્તીમાં બ્રોન્ઝ મેડલ જીત્યો છે.