અયોધ્યા રામ મંદિર / 'મારા રામલલા બિરાજમાન થઈ ગયા:' પાકિસ્તાનના પૂર્વ ક્રિકેટર રામ ભગવાનની તસવીર શેર કરી, લોકો વચ્ચે બન્યા ચર્ચાનો વિષય

• અયોધ્યામાં ભવ્ય રામ મંદિરમાં રામલલાની સ્થાપના કરવામાં આવી છે. 
• રામ મંદિર પર પાકિસ્તાની ક્રિકેટરનું મોટું નિવેદન સામે આવ્યું છે. 
• મૂર્તિની તસવીર શેર કરીને લખ્યું કે 'મારા રામલલા બિરાજમાન થઈ ગયા'

અયોધ્યામાં ભવ્ય રામ મંદિરમાં રામલલાની સ્થાપના કરવામાં આવી છે. 22મી જાન્યુઆરીએ રામલલાની પ્રાણ પ્રતિષ્ઠા થશે અને આ માટે અયોધ્યા શહેરમાં ધાર્મિક વિધિઓ ચાલુ છે. પાકિસ્તાનનો એક પૂર્વ ક્રિકેટર પણ અયોધ્યામાં રામ મંદિરના નિર્માણથી ઘણો ખુશ દેખાઈ રહ્યો છે. અયોધ્યા રામ મંદિર પર તે પાકિસ્તાની ક્રિકેટરનું મોટું નિવેદન આવ્યું છે. જે લોકો વચ્ચે ચર્ચાનો વિષય બન્યું છે. 

मेरे रामलला विराजमान हो गए 😍 pic.twitter.com/mZX1jpLlT9

— Danish Kaneria (@DanishKaneria61) January 19, 2024

વાત એમ છે કે પાકિસ્તાન ક્રિકેટ ટીમના ભૂતપૂર્વ ખેલાડી અને અનુભવી સ્પિનર ​​દાનિશ કનેરિયાએ રામલલાની તસવીર શેર કરી છે. તેણે લખ્યું, 'મારા રામલલા બિરાજમાન થઈ ગયા છે.' જોકે, આ પહેલીવાર નથી જ્યારે કનેરિયાએ રામ મંદિર પર પ્રતિક્રિયા આપી હોય. રવિવારે પ્રાણ પ્રતિષ્ઠાના દિવસે એક દિવસની વિશેષ રજા આપવા બદલ એમને મોરેશિયસ સરકારનો પણ આભાર માન્યો હતો. 

આ પહેલા પણ  દાનિશ કનેરિયાએ X પર પોસ્ટ કર્યું હતું કે, ભગવાન રામની સુંદરતા તેમના નામમાં નહીં પણ તેમના પાત્રમાં છે. તે અસત્ય પર સત્યની જીતનું પ્રતીક છે. આજે સમગ્ર વિશ્વમાં ખુશીની લહેર છે. આ ખૂબ જ ખુશીની ક્ષણ છે.

દાનિશ કનેરિયાની ક્રિકેટ કારકિર્દીઃ 
પૂર્વ ક્રિકેટર દાનિશ કનેરિયાએ પાકિસ્તાન માટે અત્યાર સુધીમાં કુલ 61 ટેસ્ટ અને 18 વનડે મેચ રમી છે. આ સમયગાળા દરમિયાન તેણે અનુક્રમે 261 અને 15 વિકેટ લીધી છે. દાનિશે ટેસ્ટમાં બે વખત 10 વિકેટ લેવાની સિદ્ધિ મેળવી છે. આ સિવાય તેણે 15 વખત 5 વિકેટ લીધી છે. એમને વર્ષ 2014માં નિવૃત્તિની જાહેરાત કરી હતી.