વડોદરા / લોકસભા પહેલા ભાજપમાં ઘરવાપસી: પૂર્વ MLA દિનુમામા સી.આર.પાટીલની હાજરીમાં સમર્થકો સાથે ભાજપમાં જોડાયા, ભૂલ કબૂલી

• પૂર્વ MLA દિનુમામા અને તેમના સમર્થકો ભાજપમાં જોડાયા
• દિનુમામાએ ભૂલ કરી હતી અને એમને ભૂલ પણ કબૂલ કરી: પાટીલ
• જિલ્લાના MLA સાથે ચર્ચા કરીને એમને જોડવાનો કર્યો નિર્ણય: પાટીલ

Vadodara news : બરોડા ડેરીના પૂર્વ ચેરમેન દિનુ મામા ફરી ભાજપમાં ઘરવાપસી કરી લીધી છે. ભાજપ પ્રદેશ અધ્યક્ષ સી.આર.પાટીલે ભાજપનો ખેસ પહેરાવીને દિનુ મામાને ભાજપમાં ફરી ગૃહપ્રવેશ કરાવ્યો છે. અત્રે જણાવી દઈએ કે, ગત ચૂંટણીમાં પાદરા બેઠક પરથી બળવો કરી તેઓ અપક્ષ લડ્યા હતા. 

વડોદરાનાં પાદરા ખાતે 146-પાદરા વિધાનસભા જનસંપર્ક કાર્યાલયનું ઉદઘાટન કરવાનો અવસર પ્રાપ્ત થયો. આ પ્રસંગે પૂર્વ ધારાસભ્ય શ્રી દિનુમામા અને એમનાં સમર્થકોને ભારતીય જનતા પાર્ટીનો ખેસ પહેરાવી પાર્ટીમાં જોડ્યા.

આ કાર્યક્રમમાં પ્રદેશ ઉપાધ્યક્ષ શ્રી @gpzadafia જી, ગુજરાત વિધાનસભાના મુખ્ય… pic.twitter.com/6py60UK4NW

— C R Paatil (@CRPaatil) September 3, 2023

દિનુ મામાની ભાજપમાં ઘરવાપસી
ગુજરાત ભાજપ પ્રમુખ સી આર પાટીલ આજે વડોદરા મુલાકાતે હતાં, ત્યારે વડોદરામાં પૂર્વ MLA દિનુમામા અને તેમના સમર્થકો ભાજપમાં જોડાયા છે. વિધાનસભા ચૂંટણી દરમિયાન દિનુમામાએ બળવો કર્યો હતો. જે મુદ્દે સી આર પાટીલે જણાવ્યું કે, દિનુમામાએ ભૂલ કરી હતી અને એમને ભૂલ પણ કબૂલ કરી લીધી છે. જિલ્લાના MLA સાથે ચર્ચા કરીને એમને જોડવાનો નિર્ણય કર્યો છે. આ પ્રસંગે સી આર પાટીલે પાદરામાં MLAના કાર્યાલયનું ઉદ્ધાટન કર્યું હતું.

દિનુ મામા કાર્યકર-અગ્રણીઓ સાથે ભાજપમાં જોડાયા
અત્રે ઉલ્લખનીય છે કે, કેતન ઇનામદાર દ્વારા આંદોલન થતા ચેરમેન પદેથી તેમણે રાજીનામુ આપ્યું હતું. જૂન મહિનામાં ફરી બરોડા ડેરીની ચૂંટણી યોજાવાની છે ત્યારે તેઓ ફરી ભાજપમાં જોડાયા છે જેને લઈ અટકળો શરૂ થઈ છે. દિનુ મામા ભાજપમા જોડાયા છે ત્યારે બરોડા ડેરીમાં ફરી એકવાર નવાજૂનીના એંધાણ સર્જાઈ શકે છે. 

અગાઉ દિનુ પટેલે ભાજપમાંથી આપ્યું હતું રાજીનામું
બરોડા ડેરીના પૂર્વ ચેરમેન દિનુ પટેલે ભાજપમાંથી રાજીનામું આપ્યું હતું. પાદરાના પૂર્વ ધારાસભ્ય દિનુ પટેલને ટિકિટ ન મળતા તેઓ નારાજ થયા હતા. તેમજ દિનુ પટેલે પાદરા બેઠક પરથી અપક્ષ ઉમેદવારી નોંધાવી હતી. દિનુ પટેલને હર્ષ સંઘવી અને સી આર પાટીલની સમજાવટ બાદ તેઓ માન્યા ન હતા. દિનુ પટેલે સી આર પાટીલ અને જિલ્લા ભાજપ પ્રમુખને રાજીનામું મોકલ્યું હતું. પાર્ટી દિનુ પટેલને સસ્પેન્ડ કરે તે પહેલા જ દિનુ પટેલે પાર્ટીને રામ રામ કર્યા હતા. 

અગાઉ પણ અપક્ષ ચૂંટણી લડ્યા હતા 
અત્રે ઉલ્લેખીય છે કે, 2007માં પાદરા બેઠક પરથી દિનેશ પટેલ અપક્ષ તરીકે ચૂંટણી લડ્યા હતા અને જેમાં તેમનો વિજય થયો હતો. ત્યારબાદ તેઓએ ભાજપનો ખેસ ધારણ કરી લીધો હતો. ભાજપમાં ગયા બાદ 2012માં ભાજપે તેઓને ટિકિટ આપી હતી અને તેમાં પણ તેઓ વિજયી બન્યા હતા. જો કે વર્ષ 2022ની ચૂંટણીમાં ભાજપમાં બળવો કરી અપક્ષ ચૂંટણી લડ્યા હતા જેમાં તેમનો પરાજય થયો હતો