ગરીબ બાળકોની દરકાર / Big news : દેશમાં પહેલી વાર, સરકારી સ્કૂલોમાં ભણાવવા વિદેશથી આવશે શિક્ષકો, CM એ કરી જાહેરાત

• ગરીબ બાળકોનું ભણતર સુધારવા દિલ્હી સરકારનો મોટો નિર્ણય 
• દિલ્હી એજ્યુકેશન બોર્ડ અને ઈન્ટરનેશનલ એજ્યુકેશન બોર્ડ વચ્ચે થયો કરાર 
• સરકારી સ્કૂલોમાં ભણતા વિદ્યાર્થીઓને વિદેશી શિક્ષકો ભણાવશે
• વિદેશી શિક્ષકો વિદ્યાર્થીઓને ઈન્ટરનેશનલ કક્ષાની તાલીમ આપશે
• સીએમ અરવિંદ કેજરીવાલે કરી મહત્વની જાહેરાત 

દિલ્હીની સરકારી સ્કૂલોમાં વિદ્યાર્થીઓને વિદેશી શિક્ષકો ભણાવી શકે તે માટે દિલ્હી એજ્યુકેશન બોર્ડ અને ઈન્ટરનેશનલ એજ્યુકેશન બોર્ડ વચ્ચે થયો કરાર છે.આ કરાર બાદ હવે વિદેશી શિક્ષકો દિલ્હીની સરકારી સ્કૂલોમાં ભણતા વિદ્યાર્થીઓને તાલીમ આપશે અને આ રીતે વિદ્યાર્થીઓ ઈન્ટરનેશનલ કક્ષાનું શિક્ષણ મેળવી શકશે. આનાથી વિદ્યાર્થીઓને બહુમોટો લાભ થશે.

દિલ્હીના લોકો માટે ખૂબ જ ખુશીની વાત- સીએમ કેજરીવાલ

આ મહત્વની જાહેરાત કરતા સીએમ કેજરીવાલે જણાવ્યું કે થોડા મહિના પહેલા અમે દિલ્હીનું પોતાનું શિક્ષણ બોર્ડ બનાવ્યું હતું. દિલ્હીનું શિક્ષણ બોર્ડ આંતરરાષ્ટ્રીય ધોરણનું બોર્ડ છે. તે આંતરરાષ્ટ્રીય ધોરણનું શિક્ષણ પૂરું પાડે છે.મુખ્યમંત્રી કેજરીવાલે કહ્યું કે આજે દિલ્હી શિક્ષણ બોર્ડ સાથે આંતરરાષ્ટ્રીય શિક્ષણ બોર્ડનો કરાર થયો છે, હવે દિલ્હી શિક્ષણ બોર્ડ હેઠળ આવતા તમામ શાળાના બાળકો આંતરરાષ્ટ્રીય સ્તરે શિક્ષણ મેળવશે. આજે આંતરરાષ્ટ્રીય શિક્ષણ બોર્ડે દિલ્હી શિક્ષણ બોર્ડ સાથે કરાર કર્યો છે. આ એક મોટી વાત છે, તે દિલ્હીના લોકો માટે ખૂબ જ ખુશીની વાત છે. અમારા બાળકો હવે દિલ્હીમાં આંતરરાષ્ટ્રીય સ્તરનું શિક્ષણ મેળવશે.

आज दिल्ली शिक्षा बोर्ड के साथ इंटरनेशनल शिक्षा बोर्ड का समझौता हुआ है। ये बहुत बड़ी बात है, दिल्लीवासियों के लिए बेहद ख़ुशी की बात है। हमारे बच्चों को अब दिल्ली में इंटरनेशनल लेवल की शिक्षा मिलेगी | LIVE https://t.co/2Mb0dOkN7l

— Arvind Kejriwal (@ArvindKejriwal) August 11, 2021

ગરીબ બાળકોને મફતમાં ઈન્ટરનેશનલ કક્ષાનું શિક્ષણ મળશે-કેજરીવાલ 

કેજરીવાલે કહ્યું કે આપણા દેશમાં બે પ્રકારની શિક્ષણ પ્રણાલી છે. એક અમીર બાળકો માટે અને બીજી ગરીબ બાળકો માટે. જેમની પાસે પૈસા છે તેઓ તેમના બાળકોને પ્રાઈવેટ સ્કૂલમાં ભણાવે છે અને જેમની પાસે પૈસા નથી તેઓ તેમના બાળકોને સરકારી સ્કૂલોમાં ભણાવે છે. આજે આ કરાર બાદ ગરીબ બાળકોને આંતરરાષ્ટ્રીય કક્ષાનું શિક્ષણ મળશે. જે શિક્ષણ માટે મોટા મોટા અમીરોના બાળકો ઝંખી રહ્યાં છે તેવું શિક્ષણ હવે ગરીબ બાળકોને પણ મળશે. 

તેમણે કહ્યું કે વિદેશથી એક્સપર્ટ આવશે જેઓ સ્કૂલોમાં શિક્ષકોની તાલીમ આપશે. બાળકોનું અસેસમેન્ટ કેવું હશે તે ઈન્ટરનેશનલ બોર્ડ નક્કી કરશે.