વીડિયો / તડામાર વરસાદથી દુબઈ પાણી-પાણી, એરપોર્ટ, મેટ્રો સ્ટેશનથી લઇને ઘરોમાં પાણી ફરી વળ્યાં, જુઓ Videos

સંયુક્ત આરબ અમીરાતની રાજધાની દુબઈમાં ભારે વરસાદને કારણે પૂર જેવી સ્થિતિ છે. દુબઈની શેરીઓ, ઘરો અને મોલમાં પાણી ભરાઈ ગયા. આકાશમાંથી સતત ગાજવીજ અને વીજળીના ચમકારાથી સ્થાનિક લોકો પરેશાન થઈ ગયા. સોમવારે મોડી રાતથી મંગળવાર સવાર સુધી દેશમાં ભારે વરસાદ ચાલુ રહ્યો. દરમિયાન અધિકારીઓએ અસ્થિર હવામાનની ચેતવણી જારી કરી છે. રાષ્ટ્રીય હવામાન કેન્દ્રે દેશના ઘણા વિસ્તારોમાં રેડ એલર્ટ જાહેર કર્યું છે અને લોકોને 'અત્યંત સાવધ' રહેવા માટે કહેવામાં આવ્યું છે. દેશમાં અસાધારણ તીવ્રતાની ખતરનાક હવામાન ઘટનાઓની આગાહી કરવામાં આવી છે. આવતીકાલે સાંજે 6 વાગ્યા સુધી આ એલર્ટ જારી કરવામાં આવ્યું છે. ઓમાનમાં ભારે વરસાદને કારણે 18 લોકોના મોત થયા છે.

Habibi ….this is Dubai

Malls , airports , roads , residential colonies , all flooded in just one rain in Dubai …

Indians must see this and stop mocking and trolling their own cities which at least get waterlogged in heavy rains in monsoon and has cities much densely… pic.twitter.com/V5L9w34Bzq

— Amitabh Chaudhary (@MithilaWaala) April 17, 2024

એક સ્થાનિક અખબાર અનુસાર, રાષ્ટ્રીય હવામાન કેન્દ્રે દુબઈ, અબુ ધાબી અને શારજાહના રહેવાસીઓને આગામી 48 કલાકમાં અસ્થિર હવામાન પરિસ્થિતિઓ માટે તૈયાર રહેવા જણાવ્યું છે. બુધવાર સુધી આ વિસ્તારોમાં ભારે વરસાદની સંભાવના છે. રાષ્ટ્રીય હવામાન કેન્દ્રના નિષ્ણાત અહેમદ હબીબે જણાવ્યું કે દુબઈ, અબુ ધાબી, શારજાહ અને અમીરાતના અન્ય સ્થળોએ માત્ર ભારે વરસાદ જ નહીં પરંતુ કરા પડવાની પણ સંભાવના છે. લોકોને પૂરની સંભાવનાવાળા વિસ્તારોથી દૂર સુરક્ષિત અને ઊંચા સ્થળોએ તેમના વાહનો પાર્ક કરવાની પણ સલાહ આપવામાં આવી છે.

Dubai airport after the city was hit by a year’s worth of rain in just 12 hours?’! pic.twitter.com/X7CS2f64eE

— Griha Atul (@GrihaAtul) April 17, 2024

ભારે વરસાદ અને વાવાઝોડાને કારણે દુબઈ ઈન્ટરનેશનલ એરપોર્ટ પર આવતા પેસેન્જર પ્લેન ડાયવર્ટ કરવામાં આવ્યા. આ ઉપરાંત દિવસ દરમિયાન એરપોર્ટની ગતિવિધિઓ 25 મિનિટ માટે સ્થગિત પણ કરવી પડી. એરપોર્ટ પરથી 50થી વધુ ફ્લાઈટ્સ કેન્સલ કરવામાં આવી છે. દુબઈ એરપોર્ટના પ્રવક્તાએ જણાવ્યું કે ગંભીર વાવાઝોડાને કારણે બપોરે 25 મિનિટ માટે કામગીરી અસ્થાયી રૂપે સ્થગિત કરવામાં આવી હતી, જો કે તે ફરી શરૂ થઈ ગઈ છે અને હવે રિકવરી મોડમાં છે.

 

 

 

 

View this post on Instagram

 

 

 

 

 

 

 

 

 

 

 

A post shared by MediaOne UAE (@mediaoneuae)

ઉપરાંત, દેશના હવામાન કેન્દ્રે દુબઈ, અબુ ધાબી, અલ ઈલ, ફજેરાહ, શારજાહ અને રાસ અલ ખાઈમાહમાં મધ્યમથી ભારે વરસાદની જાણકારી આપી છે. દુબઈ મેટ્રોની રેડ લાઈન સેવાઓ ખોરવાઈ ગઈ છે. એક મેટ્રો સ્ટેશન પર ઘૂંટણ સુધીના પાણી ભરાઈ ગયા. આ ઉપરાંત દુબઈથી અન્ય શહેરોની બસ સેવા પણ બંધ કરી દેવામાં આવી છે. મુખ્ય શોપિંગ સેન્ટરો દુબઈ મોલ અને મોલ ઓફ અમીરાત બંનેમાં પાણી ભરાઈ ગયા.

 

 

 

 

View this post on Instagram

 

 

 

 

 

 

 

 

 

 

 

A post shared by TripZilla India (@tripzilla.india)

વરસાદના કારણે દુબઈ અને શારજાહની મસ્જિદોને ઘરે જ નમાઝ પઢવાનું કહેવામાં આવ્યું. દરમિયાન, અજમાનના અધિકારીઓએ લોકોને તેમના ઘરોમાં રહેવા વિનંતી કરી છે. અધિકારીઓએ જ્યારે અત્યંત જરૂરી હોય ત્યારે જ બહાર જવા જણાવ્યું છે. મળતી માહિતી અનુસાર, સેંકડો લોકો વરસાદને કારણે દુબઈ મોલમાં અટવાઈ ગયા છે, મેટ્રો સેવાઓ ક્યારે પુનઃસ્થાપિત થશે, તેની જાણકારી નથી. ઘણા લોકો બીજા મેટ્રો સ્ટેશન પર અને કેટલાય લોકો અહીંના રોડ પર પણ અટવાઈ ગયા, પાણી ભરાઈ જવાને કારણે લોકો બસો અને ટેક્સીઓમાંથી બહાર નીકળીને રસ્તા પર ચાલી રહ્યા છે.

 

 

 

 

View this post on Instagram

 

 

 

 

 

 

 

 

 

 

 

A post shared by پريسا pari (@lamour.pari)

તેલથી સમૃદ્ધ યુએઈ એક રણપ્રદેશ છે, જ્યાં વરસાદ એક અસામાન્ય ઘટના છે. વરસાદને કારણે સમગ્ર UAEમાં શાળાઓ બંધ કરી દેવામાં આવી છે. અહીં કરા સાથે વાવાઝોડાની આગાહી કરવામાં આવી છે. UAE ના કેટલાક વિસ્તારોમાં 24-કલાકના સમયગાળામાં 80 મિલીમીટર (3.2 ઇંચ) થી વધુ વરસાદ નોંધાયો છે, જે વાર્ષિક સરેરાશ આશરે 100 mmની નજીક છે. 

I had been there for 5 years never seen such scenes #dubai #DubaiAirport #dubaiflood #DubaiFlooding #dubairain pic.twitter.com/9wVbjkPp7y

— Syed Tayyab (@TayyabBinSabir) April 17, 2024

વધુ વાંચો: એર સ્ટ્રાઇક વચ્ચે ઇરાને છેક અંતરિક્ષ સુધી મિસાઇલ પહોંચાડી, ઈઝરાયલે હવામાં જ ખાત્મો બોલાવી દીધો, જુઓ Video

બહેરીનમાં પણ ગાજવીજ અને વીજળીના ચમકારા બાદ રાતભર ભારે વરસાદ થયો. ઓમાનની ઉપરથી પસાર થયા પછી, વાવાઝોડું સંયુક્ત આરબ અમીરાત, બહેરીન અને કતારના વિસ્તારોમાં પહોંચી ગયું છે, જ્યાં જીવલેણ પૂર આવ્યું છે અને ડઝનેક લોકો ફસાયેલા છે. આપત્કાલીન અધિકારીઓએ અહીની એક સત્તાવાર ન્યૂઝ એજન્સીને જણાવ્યું કે મંગળવારે એક બાળકનો મૃતદેહ મળ્યો, જેના સાથે મૃત્યુઆંક 18 થઈ ગયો અને 2 લોકો ગુમ છે. એજન્સીએ રવિવારે જણાવ્યું હતું કે અચાનક પૂરમાં એક વાહન વહી જતાં શાળાના 9 બાળકો સહિત 12 લોકોના મોત થયા.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો