દુર્ઘટના / અમદાવાદની જાણીતી હોસ્પિટલમાં આગ લાગતા દોડધામ, લોન્ડ્રી વિભાગ બળીને ખાખ, જાણો અપડેટ

અમદાવાદ શહેરની પ્રસિદ્ધ એસવીપી હોસ્પિટલના લોન્ડ્રી વિભાગમાં આજે સવારે આગ લાગવાની ઘટના બની છે. ઘટનાને લઈને હોસ્પિટલના સ્ટાફ અને દર્દીઓમાં થોડો સમય માટે ભયનો માહોલ સર્જાયો હતો. પરંતુ સમયસૂચક કાર્યવાહીથી મોટી દુર્ઘટના ટળી ગઈ છે.

ફાયર બ્રિગેડની 3 ગાડીઓ ઘટના સ્થળે

આગ લાગ્યાની જાણ થતાંજ ફાયર બ્રિગેડની ત્રણ ગાડીઓ તરતજ ઘટના સ્થળે દોડી ગઈ હતી. ફાયર કર્મચારીઓએ ઘટનાસ્થળે પહોંચી ટૂંકા સમય અંદર જ આગ પર કાબૂ મેળવી લીધો. શરુઆતની માહિતી અનુસાર આગનું મુખ્ય કારણ શોર્ટ સર્કિટ હોવાનું મનાય છે, જે લોન્ડ્રી વિભાગમાં આવેલા કપડાંમાં લાગેલી હોવાનું જણાઈ રહ્યું છે.

હાલ ઘટનામાં કોઈ જાનહાનિ નોંધાઈ નથી

હાલ ઘટનામાં કોઈ જાનહાનિ નોંધાઈ નથી અને આગ માત્ર લોન્ડ્રી વિભાગ સુધી મર્યાદિત રહી, તેથી હોસ્પિટલની અન્ય સેવા પર કોઇ અસર ન થઈ. આગળની તપાસ માટે એન્જિનિયરિંગ અને ઇલેક્ટ્રિકલ વિભાગની ટીમ સ્થળ પર તપાસ હાથ ધરી છે.

સોનોગ્રાફી રૂમમાં AC માં લાગી હતી આગ

સુરતમા નિર્મલ હોસ્પિટલમાં આગની ઘટના બનવા પામી હતી. નિર્મલ હોસ્પિટલના ત્રીજા માળે આગ લાગી હતી. મજુરા ગેટ વિસ્તારમાં આવેલ હોસ્પિટલમાં આગ લાગતા હોસ્પિટલના ડોક્ટરો તેમજ દર્દીઓમાં દોડાદોડ થઈ જવા પામી હતી. સોનોગ્રાફી રૂમમાં એસીમાં આગ લાગી હતી. શોર્ટ સર્કિટના કારણે આગ લાગી હોવાનું સામે આવ્યું છે. હોસ્પિટલના સ્ટાફ દ્વારા આગ પર કાબૂ મેળવ્યો હતો. તેમજ બનાવમાં કોઈ પણ પ્રકારની જાનહાનિ થવા પામી ન હતી.

આ પણ વાંચોઃ શક્તિ'એ લીધો યુટર્ન! વાવાઝોડું તો ગુજરાત તરફ આવી રહ્યું છે, દ્વારકાથી બસ આટલા જ કિમી દૂર

ગત રોજ અમદાવાદની અન્ય એક હોસ્પિટલમાં પણ આગ લાગી હતી

અમદાવાદના પાલડી વિસ્તારમાં આગ લાગી હોવાની ઘટના પ્રકાશમાં આવી છે. પાલડીમાં બાળકોની હોસ્પિટલમાં આગની ઘટના સામે આવી છે. કોચરબ આશ્રમ સામે આવેલ વૃંદાવન ચિલ્ડ્રન હોસ્પિટલમાં આગ લાગ્યાની ઘટના પ્રકાશમાં આવી છે. અંદાજે 10 જેટલા બાળકો હોસ્પિટલમાં દાખલ હોવાની પ્રાથમિક વિગત સામે આવી રહી છે. જો કે સમગ્ર મામલે તપાસ ચાલી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ