ઈકોનોમી / કરદાતાઓને મોટી રાહત આપવાની તૈયારીમાં મોદી સરકાર, કેન્દ્રીય નાણા મંત્રાલયે તૈયાર કર્યો આવો પ્લાન

• આકર્ષક નવી કર પ્રણાલી દાખલ કરવાનો સરકારનો પ્લાન
• નાણા મંત્રાલય ટૂંક સમયમાં સમીક્ષા શરુ કરશે 
• જટિલ જૂની કર પ્રણાલી ખતમ કરવાનો સરકારનો હેતુ
• અંગત કરદાતાઓ માટે એક આકર્ષક ટેક્સ પ્રણાલી લાવશે સરકાર 

અંગત કરદાતાઓને રાહત મળે એટલે એક આકર્ષક નવી કર પ્રણાલી દાખલ કરવાનો પ્લાન છે અને આ માટે નાણા મંત્રાલયે ટૂંક સમયમાં સમિક્ષા શરુ કરી રહ્યું છે. કેન્દ્રીય નાણા મંત્રી નિર્મલા સીતારામણે બજેટમાં નવી કર પ્રણાલીની જાહેરાત કરી હતી જેને હવે સરકાર અમલમાં મૂકવા માગે છે. 

છૂટછાટ ન હોય અને જટિલ જૂની કર પ્રણાલી દૂર કરવા માગે છે સરકાર 
સૂત્રોએ જણાવ્યું હતું કે સરકારનું લક્ષ્ય એક એવી વ્યવસ્થા સ્થાપિત કરવાનું છે જ્યાં કોઈ છૂટ ન હોય અને મુક્તિ અને કપાત સાથેની જટિલ જૂની કર વ્યવસ્થાનો અંત આવી જતો હોય. કેન્દ્રીય બજેટ 2020-21માં નવી કર વ્યવસ્થા રજૂ કરવામાં આવી હતી. કરદાતાઓને વિવિધ કપાતો અને મુક્તિઓ સાથે જૂની વ્યવસ્થા અને નવી કર વ્યવસ્થા કે જેણે મુક્તિ અને કપાત વિના નીચા વેરા દરની ઓફર કરી હતી તેમાંથી એકની પસંદગી કરવાનો વિકલ્પ આપવામાં આવ્યો હતો.

વ્યક્તિગત કરદાતાઓ રાહત આપવાનો તથા આવકવેરા કાયદાને સરળ બનાવવાનો હેતુ 
સરકારની આ દરખાસ્તનો હેતુ વ્યક્તિગત કરદાતાઓને નોંધપાત્ર રાહત આપવાનો અને આવકવેરાના કાયદાને સરળ બનાવવાનો હતો.
નવી કર વ્યવસ્થાના અનુભવ વિશે પૂછવામાં આવતા સૂત્રોએ જણાવ્યું હતું કે, એવા સ્પષ્ટ સંકેતો મળી રહ્યા છે કે જે લોકોએ પોતાનું ઘર અને એજ્યુકેશન લોન પૂરી કરી લીધી છે, તેઓ નવી કર વ્યવસ્થામાં શિફ્ટ થવા તૈયાર છે કારણ કે તેમની પાસે દાવો કરવા માટે કોઈ છૂટ નથી. સૂત્રોએ વધુમાં જણાવ્યું હતું કે નવા શાસનમાં કર ઘટાડવાથી નવી કર વ્યવસ્થા વધુ આકર્ષક બનશે.

કેટલી આવક પર કેટલા ટકા ટેક્સ લાગે છે 
1 ફેબ્રુઆરી, 2020 ના રોજ જાહેર કરાયેલા વ્યક્તિગત કરદાતાઓ માટે નવી કર વ્યવસ્થા હેઠળ, ₹ 2.5 લાખ સુધીની વાર્ષિક આવક ધરાવતા લોકોએ કોઈ ટેક્સ ભરવાનો થતો નથી. ₹ 2.5 લાખથી 5 લાખ સુધીની આવક માટે ટેક્સનો દર 5 ટકા છે. આ ઉપરાંત₹ 5 લાખથી ₹7.5 લાખની આવક ધરાવતા લોકોએ 10 ટકાના ઘટાડેલા વેરાના દરની ચૂકવણી કરવી પડે છે. ₹ 7.5 લાખથી ₹ 10 લાખ વચ્ચે 15 ટકા; ₹ 10 લાખથી 12.5 લાખ 20 ટકાની વચ્ચે; ₹ 12.5 લાખથી 15 લાખ 25 ટકાની વચ્ચે; અને ₹ 15 લાખથી વધુ 30 ટકા છે.