લોકસભા / 5 વર્ષમાં 10 લાખ કરોડ રુપિયા ક્યાં ગાયબ થઈ ગયા? નાણા મંત્રીએ સંસદને કરી જાણ

• નાણામંત્રી નિર્મલા સીતારમણે લોન અંગે આપી માહિતી
   
• બેંકોમાં ફસાયેલા લોનને કરાયા રાઇટ ઓફમાં ટ્રાન્સફર
• નિર્મલા સીતારમણે લેખિતમાં આપ્યો જવાબ

કેન્દ્રીય નાણામંત્રી નિર્મલા સીતારમણે સોમવારે લોકસભામાં એક લેખિત જવાબમાં કહ્યું કે છેલ્લા 5 વર્ષોમાં સરકારી અને અન્ય બેંકોએ 10 લાખ 9 હજાર 511 કરોડ રૂપિયાની લોન રાઇટ ઓફ કરી છે. નાણામંત્રીએ કહ્યું કે રાઇટ ઓફનો મતલબ લોન માફ કરવું નથી થતો. રિઝર્વ બેંકની ગાઇડલાઇન અનુસાર તમામ બેંક રાઇટ ઓફ (write off ) કરી શકે છે.

નાણામંત્રી નિર્મલા સીતારમણે લેખિતમાં આપ્યો જવાબ 
કેન્દ્રીય નાણામંત્રી નિર્મલા સીતારમણે લેખિતમાં જવાબ આપતાં કહ્યું કે લોન રાઇટ ઓફ કરવાથી લેણદારને કોઇ ફાયદો થતો નથી. તેમણે પાછલા 5 વર્ષોનાં આંકડાઓ લોકસભામાં રજૂ કરતાં કહ્યું કે 5 વર્ષોથી બેંકોમાં ફસાયેલા લોનને RBIની ગાઇડલાઇન્સ અનુસાર રાઇટ ઓફમાં ટ્રાન્સફર કરી દીધેલ છે. લોન રાઇટ ઓફ કર્યા બાદ પણ લેણદારોથી રકમ પાછી લેવાની પ્રક્રિયા તો ચાલુ જ રહેશે. તેમણે આગળ જવાબ આપતાં કહ્યું કે લેણદારો કે જેમની લોન રાઇટ ઓફ કરવામાં આવી છે તેમની પાસેથી છેલ્લા પાંચ વર્ષોમાં એક લાખ કરોડથી વધુની વસૂલી કરી લેવાઇ છે.

રિકવરી સતત ચાલતી પ્રક્રિયા- નાણામંત્રી
સીતારમણે કહ્યું કે રાઇટ ઓફ કરવામાં આવેલ લોન સહિત NPAમાં રિકવરી સતત ચાલુ રહેનારી પ્રક્રિયા છે. તેમણે કહ્યું કે આરબીઆઇનાં આંકડાઓ અનુસાર સાર્વજનીક ક્ષેત્રની બેંકોમાં છેલ્લા પાંચ નાણાકીય વર્ષો દરમિયાન રાઇટ ઓફમાં મૂકવામાં આવેલ લોનમાંથી 1,03,045 કરોડ રૂપિયા સહિત 4,80,111 કરોડ રૂપિયાની વસૂલી કરવામાં આવી છે.

ચુકવણી માટે જવાબદાર કોણ?
નાણામંત્રી નિર્મલા સીતારમણે કહ્યું કે RBIથી મળેલ જાણકારી અનુસાર વેપારી બેંકોએ છેલ્લા 5 વર્ષો દરમિયાન 10 લાખ 9 હજાર 511 કરોડ રૂપિયાની રકમ રાઇટ ઓફમાં મૂકેલ છે. તેમણે કહ્યું કે રાઇટ ઓફમાં નાખવામાં આવેલ લોનની ચૂકવણીની જવાબદારી લોનલેનારની જ રહેશે. બેંકોમાં ઉપસ્થિત અલગ-અલગ રિકવરી સિસ્ટમનાં માધ્યમથી રકમ વસૂલની કાર્યવાહીને ચાલુ રાખી છે.

લોનની વસૂલી માટેની શું કાર્યવાહી?

નાણામંત્રીએ જણાવ્યું કે લોન વસૂલીની કાર્યવાહીમાં સિવિલ કોર્ટ કે લોન રિકવરી ટ્રિબ્યૂનવમાં કેસ નોંધાવામાં આવે છે. ઇનસોલવેન્સી બેંકરપ્સી કોડ અંતર્ગત કેસ કરવા જેવા ઉપાયો મદદરૂપ રહે છે. આ સિવાય એનપીએનાં વેચાણ કરીને પણ લોનની રિકવરી કરી શકાય છે. તેવામાં રાઇટ-ઓફથી લોન લેનારાઓને કંઇ ફાયદો થતો નથી.