ચેતજો! / ચોમાસામાં પલળવાથી માથામાં થઇ શકે છે 'ફંગલ ઇન્ફેકશન', બચવા માટે આ દેશી નુસખા છે રામબાણ ઇલાજ

• ચોમાસામાં વધી શકે છે ફંગલ ઈન્ફેક્શન 
• ફંગલ ઈન્ફેક્શનની સારવાર છે જરૂરી 
• નહીં તો વધી શકે છે મુશ્કેલી 

ચોમાસામાં સ્કિન ઈન્ફેક્શનની સમસ્યા તો વધતી જ જાય છે પરંતુ સાથે સાથે વાળમાં ફંગલ ઈન્ફેક્સનની સમસ્યા પણ આ સિઝનમાં ખૂબ જ જલ્દી જોવા મળી શકે છે. જેના કારણે સ્કેલ્પમાં ખૂબ વધારે ખંજવાડ અને ખોટો થઈ જાય છે. હકીકતે વરસાદની સિઝનમાં ભેજ, ભીની માટી અને વરસાદના પાણીથી આ બધી વસ્તુઓ ફંગસને વધારવા માટે અનુકૂળ વાતાવરણ આપે છે. 

ધ્યાન ન રાખવા પર તેની સ્થિતિ વધારે ગંભીર થઈ શકે છે. તો વરસાદની સીઝવમાં ચહેરા, હાથ-પગની સાથે જ વાળને પણ દેખરેખની જરૂર છે. જો તમને પણ સ્કેલ્પમાં ઈન્ફેક્શનની સમસ્યા છે તો આ ઉપાયોથી છુટકારો મેળવી શકો છો. 

વાળને રાખો સ્વચ્છ 
વાળને ફંગલ ઈન્ફેક્શનથી બચાવી રાખવા માટે નિયમિત રીતે તેમની સાફ-સફાઈ કરવી જરૂરી છે. વરસાદમાં પલળવાથી જો તમારા વાળ ભીના થઈ જાય છે તો તેને સારી રીતે કોરા કરી લો. ભીના વાળને એમ જ રાખવા પર ઈન્ફેક્શન થવાની સંભાવના વધારે વધી જાય છે. 

લગાવો નારિયેળનું તેલ 
નારિયેળના તેલમાં એન્ટી બેક્ટેરિયલ, એન્ટી-ફંગલના ગુણ હોય છે. જેને લગાવવાથી સ્કેલ્પ ઈન્ફેક્શનની સમસ્યા દૂર થઈ જાય છે અને માથામાં બલ્ડ સર્કુલેશન વધે છે. તમે ઈચ્છો તો નારિયેળ તેલમાં મેથી દાણાનો ઉપયોગ પણ કરી શકો છો. એક કટોરીમાં નારિયેળના તેલ અને મેથીના દાણાનો પાઉડર મિક્સ કરી તેને વાળમાં મસાજ કરો. તેનાથી પણ ફંગલ ઈન્ફેક્શનથી રાહત મળશે. 

લીમડો 
ફંગલ ઈન્ફેક્શનથી રાહત મેળવવા માટે લીમડાનું તેલ પણ ખૂબ જ ફાયદાકારક હોય છે. લીમડાનું તેલ સરળતાથી માર્કેટમાં મળી જાય છે. તેના ઉપરાંત એક બીજી રીતે પણ તમે તેનો ઉપયોગ કરી શકો છો. તેના માટે લીમડાના પાનની પેસ્ટ બનાવી લો. તેમાં થોડો લીંબૂનો રસ અને હળદર મિક્સ કરીલો. આ પેસ્ટને વાળ પર લગાવીને પછી ધોઈ લો. આ ઉપાય ઈન્ફેક્શન દૂર કરવામાં ખૂબ જ કારગર છે.