મહેસાણા / ખેડૂતોને સિઝન પહેલા જ જોરદાર ઝટકો! જીરાના ભાવ 50 ટકા ઘટયા, વેપારીઓ જણાવ્યું હવે ભાવ વધશે કે ઘટશે?

• ઊંઝા માર્કેટયાર્ડમાં જીરૂનાં ભાવમાં ઘટાડો
• જીરાના ભાવમાં 50 ટકાનો ઘટાડો
• 1 મણ જીરાનો ભાવ હતો 12 હજાર 

mahesana news: મહેસાણા જિલ્લામાં જીરાના વાવેતર ખેડૂતો મોટા પ્રમાણમાં કરે છે. ત્યારે ઊંઝા માર્કેટ યાર્ડમાં જીરાના ભાવમાં ઘટાડો થતા ખેડૂતો પરેશાન થયા છે. જીરાના ભાવ વધવાની રાહ જોતા ખેડૂતોની પરિસ્થિતિ દયનીય બની છે. આ ભાવ ઘટાડાના લીધે ખેડૂતો ના છૂટકે ઘટેલા ભાવે વેચવાનો વારો આવ્યો છે. પહેલા જીરાનો ભાવ એક મણના 12 હજાર  રૂપિયા ઉપર પહોંચ્યો હતો, તે જીરાનો ભાવ હાલમાં ઘટીને 6 હજાર રૂપિયા આસપાસ બોલાઈ રહ્યો છે એટલે કે જીરાના ભાવમાં 50 ટકા જેટલો ઘટાડો નોંધાયો છે. હાલ ખેડૂતોને સતત જીરાના ભાવ ઘટતા ખેડૂતો પરેશાન થયા છે. ખેડૂતો ના છૂટકે ઘટેલા ભાવે પોતાનો માલ વેચવાનો વારો આવ્યો છે.

અત્યારે ઘટીને 6 હજાર રૂપિયા થયો ભાવ
2023ના વર્ષેમાં જીરામાં ભારે તેજી જોવા મળી હતી, તે સમય 12 હજાર રૂપિયા ભાવ બોલાયા હતા. જેના પગલે ગુજરાત અને રાજસ્થાનના ખેડૂતો એ આ વર્ષે મોટા પાયે જીરાનું વાવેતર શરૂ કર્યું હતું. જેના કારણસ કદાચ જીરાના ભાવમાં ઘટાડો જોવા મળી રહ્યો છે. જીરાના વાવેતર મામલે ઊંઝા APMCના ચેરમેનનું માનવું છે કે, આગામી વર્ષમાં 1 કરોડ જીરાની બોરીનું ઉત્પાદન થઈ શકે છે. ગુજરાતમાં 4 લાખ હેકટર અને રાજસ્થાનમાં 8 લાખ હેક્ટરમાં વાવેતર શરૂ થયું છે 

વાંચવા જેવું: 4 દિવસ બાદ ફરી ગુજરાતમાં થશે કમોસમી વરસાદની એન્ટ્રી, બે દિવસ તાપમાનમાં કોઇ જ ફેરફાર નહીં: આગાહી 

જીરાના ભાવમાં ઘટાડો થતા ખેડૂતો પરેશાન 
આ મામલે કેટલાક વેપારીઓ કહેવું છે કે, આ જીરાના ભાવ નીચા આવતા આવનાર દિવસોમાં એક્સપોર્ટની ડિમાન્ડ આવી શકે છે, તો કેટલાક વેપારીઓ માની રહ્યા છે આગામી એકાદ મહિના બાદ નવા જીરાના સીઝનની શરૂઆત થશે જેથી ભાવ રૂપિયા 5ની આસપાસ રહી શકે છે. જીરાનો પાકએ વાતાવરણ પર ખુબજ નિર્ભર હોય છે ત્યારે જો આગામી દિવસોમાં જીરાને અનુકૂળ વાતાવરણ મળી રહે છે તો જીરાનું મોટાપાયે ઉત્પાદન નોંધાઈ શકે છે.