હેલ્થ ટીપ્સ / ના હોય! 30 જ મિનિટમાં થઇ જશે આંખના કેન્સરની સારવાર, જાણો શું છે આ ગામા નાઇફ રેડિયોથેરાપી?

કેન્સરની બીમારી હવે સામાન્ય બની ગઈ છે અને કેન્સરના તો ઘણા પ્રકાર છે, તેમાંથી એક મેલાનોમા કેન્સર છે જે આંખના કેન્સરમાં જોવા મળે છે. ડોકટરોની ટીમ હવે આ રોગથી છુટકારો મેળવવા સતત પ્રયાસો કરી રહી છે. આવા જ એક સમાચાર દિલ્હીની AIIMS હોસ્પિટલમાંથી મળી આવ્યા છે. જ્યાં એક અભ્યાસમાં જાણવા મળ્યું છે કે ગામા નાઈફ સર્જરીની મદદથી હવે આંખના કેન્સરથી પીડિત દર્દીઓની આંખોની રોશની બચાવી શકાય છે.

શું છે આ આંખનું કેન્સર?

આંખના કેન્સર ઘણા પ્રકારના હોય છે જેમાંથી સૌથી મોટું મેલાનોમા કેન્સર છે. આ આંખોમાં જોવા મળતા સેલ્સને પ્રભાવિત કરે છે. આંખની કીકીમાં જોવા મળતા કેન્સરને ઇન્ટ્રાઓક્યુલર કેન્સર કહે છે. જેના શરૂઆતનાં લક્ષણમા આંખોથી ઝાખું દેખાવું, એક આંખથી નાં દેખાવું, આંખમાં દુખાવો થવો અને બેચેની અનુભવ કરવી જેવા લક્ષણોનો સમાવેશ થાય છે.

ડૉક્ટરનો દાવો

રિસર્ચના અનુસાર આંખમાં કોરોઇડલ મેલેનોમાં નામનું કેન્સર જોવા મળે છે, જે વધારે પડતું યુવાનોમાં જોવા મળે છે.  પણ ઘણા કેસમાં તો 40 થી વધુ વર્ષના લોકો જોવા મળ્યા છે. જણાવી દઈએ કે ગામા નાઈફ સર્જરીથી આંખના કેન્સરની સારવાર સરળતાથી થઈ શકે છે. આ એક સ્પેશિયલ રેડિયોથેરાપી છે જેમાં સર્જરિની જરૂર જ નથી. આ દાવો કરવામાં આવે છે કે દેશમાં માત્ર AIIMS હોસ્પિટલમાં ગામા નાઈફ સર્જરીથી સારવાર કરવામાં આવશે. આ સારવારમાં 75 હજાર રૂપિયાનો ખર્ચ થઈ શકે છે. આ ફી પછી તમને આખી જીંદગી ફોલોઅપ ફ્રીમાં થશે. એટલું જ નહીં પણ આયુષમાન અને બીપીએલ કાર્ડ ધરાવતા દર્દીઓને મફતમાં સારવાર કરવામાં આવે છે. 

આ પણ વાંચોઃ ગુજરાત યુનિ.ની બબાલને જોતા VNSGUના સત્તાધીશો હરકતમાં, વિદ્યાર્થીઓના હિતમાં લેવાયો મોટો નિર્ણય

ગામા નાઈફ સર્જરી શું છે?

ગામા નાઈફ એક મશીન છે જે એમઆરઆઇ મશીન જેવી જ હોય છે. આ મશીનના કારણે જ આંખોમાં કોઈ પણ પ્રકારના સર્જરિ કર્યા વગર બસ એક ટાંકા થી જ કેન્સરની સારવાર થઈ શકે છે. ઘણી વખત આંખના કેન્સરની સારવાર દરમિયાન દર્દીની આંખોની રોશની જતી રહે છે, પરંતુ હવે આ થેરેપી દ્વારા આંખોની રોશની બચાવી શકાય છે, તે પણ કોઈપણ સર્જરી વગર. આ ટેકનિક દર્દીની આંખોમાંથી 200 કિરણો વડે ગાંઠને શોધીને મારી નાખે છે. આ ટેકનિકથી દર્દીઓને ઘણી રાહત મળશે. તમને જણાવી દઈએ કે આ થેરેપીમાં માત્ર અડધા કલાકમાં સારવાર પૂરી થઈ જાય છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો