કેન્દ્રનો જવાબ / ગુજરાતમાં વધ્યો સરકારી સ્કૂલોનો ક્રેઝ: છેલ્લા 3 વર્ષમાં ખાનગી શાળામાં ઘટ્યો આટલાં લાખ બાળકોનો પ્રવેશ

• ગુજરાતમાં વધ્યો સરકારી શાળામાં બાળકોને ભણાવવાનો ક્રેઝ
• છેલ્લા 4 વર્ષમાં રાજ્યમાં ખુલી 453 નવી સરકારી શાળાઓ
• ગુજરાતમાં 3 વર્ષમાં ખાનગી શાળામાં પ્રવેશ 5 લાખ ઘટ્યો

ગુજરાતમાં હવે ખાનગી શાળાઓના બદલે ધીરે-ધીરે સરકારી શાળાઓમાં બાળકોને ભણાવવાનો ક્રેઝ વધતો જઇ રહ્યો છે. તાજેતરમાં જ લોકસભામાં કેન્દ્ર સરકારે રજૂ કરેલા આંકડાઓ મુજબ, છેલ્લાં ત્રણ વર્ષમાં ખાનગી શાળાઓમાં બાળકોના પ્રવેશમાં ઘટાડો થયો છે જ્યારે સરકારી શાળાઓમાં એનરોલમેન્ટમાં વધારો દેખાયો છે.

ગુજરાતમાં ખાનગી શાળાઓના બદલે સરકારી શાળાઓમાં બાળકોને ભણાવવાનો ક્રેઝ વધ્યો, છેલ્લાં 4 વર્ષમાં 453 નવી સરકારી શાળાઓ ખુલી, ગુજરાતમાં 3 વર્ષમાં ખાનગી શાળામાં પ્રવેશ 5 લાખ ઘટ્યો, જોકે સરકારી શાળાઓમાં 14767 શિક્ષકોની જગ્યા ખાલી#gujarat #education

— VTV Gujarati News and Beyond (@VtvGujarati) December 31, 2022

છેલ્લાં 4 વર્ષમાં 453 નવી સરકારી શાળાઓ ખુલી
ગુજરાતમાં છેલ્લાં 4 વર્ષમાં 453 નવી સરકારી શાળાઓ ખુલી છે. રાજ્યમાં 3 વર્ષની અંદર ખાનગી શાળામાં પ્રવેશ 5 લાખ ઘટ્યો છે. જ્યારે સરકારી શાળાઓમાં 3 લાખ વિધાર્થીઓનો વધારો થયો છે. રાજ્યમાં સરકારી શાળાઓમાં હાલમાં 14,767 શિક્ષકોની જગ્યા ખાલી છે.

સરકારી શાળાઓમાં છેલ્લાં 3 વર્ષમાં ત્રણ લાખનો વધારો
વધુમાં જણાવી દઇએ કે, 2019-20માં 47 લાખ ખાનગી શાળાઓમાં એનરોલમેન્ટ થયું છે. જેની સામે 2021-22માં 41.55 લાખ ખાનગી શાળાઓમાં એનરોલમેન્ટ થયું હતું. 3 વર્ષમાં ખાનગી શાળાઓમાં એનરોલમેન્ટમાં 5.50 લાખ બાળકોનો ઘટાડો નોંધાયો છે. જેની સામે સરકારી શાળાઓમાં છેલ્લાં 3 વર્ષમાં ત્રણ લાખનો વધારો થયો છે.

છેલ્લા 4 વર્ષમાં દેશમાં કુલ 7600 નવી સરકારી શાળાઓ ખુલી
2021-22માં માત્ર 42 જ નવી શાળાઓ ખોલવામાં આવી છે. છેલ્લા 4 વર્ષમાં દેશમાં કુલ 7600 નવી સરકારી શાળાઓ ખુલી છે જેમાં બિહારમાં 2827 શાળાઓ નવી ખુલી છે.