ગાંધીનગર / કચ્છમાં ફરી ધરા ધ્રુજી! રાપરમાં 3.3ની તીવ્રતાનો ભૂકંપ, લોકોમાં ભયનો માહોલ

કચ્છના રાપર પંથકમાં ભૂકંપનો આંચકો અનુભવાતા લોકોમાં થોડીવાર માટે ચિંતા ફેલાઈ હતી. રાપર નજીક બપોરે 1:34 વાગ્યે ભૂકંપનો આંચકો નોંધાયો હતો. ભૂકંપની તીવ્રતા 3.3 રિક્ટર સ્કેલ નોંધાઈ હોવાનું સામે આવ્યું છે.

પ્રાપ્ત માહિતી મુજબ, ભૂકંપનું કેન્દ્રબિંદુ રાપરથી આશરે 15 કિલોમીટર દૂર નોંધાયું હતું. આંચકો અનુભવાતા કેટલાક વિસ્તારોમાં લોકોમાં કૌતુક સાથે ચિંતા જોવા મળી હતી.

જોકે, ભૂકંપની તીવ્રતા ઓછી હોવાથી મોટા નુકસાન અંગેની કોઈ માહિતી સામે આવી નથી. સ્થાનિક તંત્ર દ્વારા પરિસ્થિતિ પર નજર રાખવામાં આવી રહી છે.

ભૂકંપ આવે તો શું કરવું?

• ભૂકંપના ઝટકા જેવા આવે તુરંત વાર કર્યા વગર ઓફિસ કે ઘરની બહાર નિકળી જવું.
• વીજળીના થાંભલા, ઝાડ અને ઉંચી ઈમારતથી દૂર ઉભા રહેવુ.
• ઘર કે ઓફિસ બહાર જતી વખતે લીફ્ટનો ઉપયોગ ન કરવો, સીડીનો ઉપયોગ કરવો.
• ઘર આસપાસ જો મેદાન ન હોય તો એવી જગ્યા શોધો જ્યા છૂપાઈને બેસી શકાય.
• ભૂકંપ આવે ત્યારે ખાસ કરીને ઘરમાં રહેલી ભારે વસ્તુથી દૂર રહેવું.
• ઘરમાં રહેલા ભારે સામાન અને કાચથી દૂર રહેવુ જેથી વાગવાની શક્યતા ન રહે.
• ભાગવાનો સમય ન મળે તો ટેબલ, પલંગ, ડેસ્ક જેવી મજબૂત જગ્યા નીચે ઘૂસી જવું.
• દરવાજા હોય ત્યા ન ઉભા રહેવું જેથી દરવાજો ખુલે કે પડે તો વાગે નહીં.

આ પણ વાંચોઃ બુધેલ ગામે એક જ સમાજના બે જૂથ બાખડ્યા! ધોકા-બેટ સાથે મારામારીનો LIVE વીડિયો

સિસ્મોલોજી વિભાગની સાંત્વના

ગુજરાતમાં આવતા ભૂકંપને લઈને લોકોને ન ગભરાવવાની અપીલ કરાઈ છે. સિસ્મોલોજી વિભાગના ડાયરેક્ટર સુમેર ચોપડાએ VTV સાથેની વાતચીતમાં લોકોને માહિતી આપી હતી. તેમણે કહ્યું કે, ગુજરાતમાં ભૂકંપથી ડરશો નહીં, 5-6 વર્ષે ભૂકંપ આવે છે. કચ્છમાં 5ની તીવ્રતાનો ભૂકંપ સામાન્ય છે. હવેના આફ્ટર શોક સાવ સામાન્ય. લોકોએ ગભરાવાની જરૂર નહીં.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ