- ભારતે 2024માં યોજાનાર T20 વર્લ્ડ કપની તૈયારીઓ શરૂ કરી દીધી
- રોહિત શર્મા અને વિરાટ કોહલી જેવા ખેલાડીઓ લાંબા સમયથી T20 ટીમમાંથી બહાર
- ભારતીય પસંદગીકારોએ હાર્દિક પંડ્યાને ટી-20 ટીમની કપ્તાની સોંપી હતી
- હાર્દિકની ગેરહાજરીમાં પસંદગીકારોએ સૂર્યકુમાર યાદવને કેપ્ટનશિપ સોંપી
ટીમ ઈન્ડિયાએ ODI વર્લ્ડ કપ 2023 સમાપ્ત થયા પછી તરત જ 2024માં યોજાનાર T20 વર્લ્ડ કપની તૈયારીઓ શરૂ કરી દીધી છે. આ વર્લ્ડ કપ જૂન મહિનામાં વેસ્ટ ઈન્ડિઝ અને અમેરિકામાં યોજાશે. T20 વર્લ્ડ કપ પહેલા ભારત પાસે હવે માત્ર થોડી જ T20 ઇન્ટરનેશનલ મેચો બાકી છે, જેમાં તેણે પોતાની તૈયારીઓ પૂર્ણ કરવી પડશે.
T20 વર્લ્ડ કપમાં કોણ કરશે કેપ્ટન્સી?
ટીમ ઈન્ડિયાનું T20 સેટઅપ ઘણું સારું લાગે છે, પરંતુ કેટલાક મુખ્ય પ્રશ્નોના જવાબ હજુ સુધી મળ્યા નથી, અને તેમાંથી એક એ છે કે T20 વર્લ્ડ કપમાં ભારતની કેપ્ટનશીપ કોણ કરશે? ટીમ મેનેજમેન્ટમાં રોહિત શર્મા અને વિરાટ કોહલી જેવા સિનિયર ખેલાડીઓ લાંબા સમયથી T20 ટીમમાંથી બહાર છે. આવી સ્થિતિમાં રોહિત શર્મા વિશે કહેવું મુશ્કેલ છે કે તે ટી-20 વર્લ્ડ કપમાં ખેલાડી તરીકે રમશે કે નહીં. આવી સ્થિતિમાં હાલ તેને સુકાનીપદ સોંપવાનો પ્રશ્ન જ ઉભો થતો નથી.
શું રોહિત અને હાર્દિકને બરતરફ કરાયા?
ભારતીય પસંદગીકારોએ રોહિતને વનડે ટીમની કપ્તાની અને હાર્દિક પંડ્યાને ટી-20 ટીમની કપ્તાની સોંપી હતી, પરંતુ હાર્દિક પંડ્યાની ઈજા મોટી સમસ્યા છે. ODI વર્લ્ડ કપની ચોથી મેચમાં હાર્દિક પંડ્યા બાંગ્લાદેશ વિરૂદ્ધ પોતાની જ બોલિંગ પર બોલ રોકતા ઈજાગ્રસ્ત થયો હતો અને ત્યારથી તે ટીમની બહાર છે. વર્લ્ડ કપ બાદ હાર્દિક ઓસ્ટ્રેલિયા સામેની ટી-20 સિરીઝ ચૂકી ગયો હતો અને હવે તે સાઉથ આફ્રિકા ટૂર પણ મિસ કરી ગયો છે.
તક મળતાં જ સૂર્ય ચમક્યો
હાર્દિકની ગેરહાજરીમાં ઓસ્ટ્રેલિયા સામેની ઘરેલુ T20 શ્રેણીમાં પસંદગીકારોએ T20 ફોર્મેટના નંબર-1 બેટ્સમેન સૂર્યકુમાર યાદવને કેપ્ટનશિપ સોંપી હતી. તેની કેપ્ટન્સીમાં સૂર્યાએ ઓસ્ટ્રેલિયાને T20 શ્રેણીમાં 4-1થી હરાવ્યું હતું. તે પછી સૂર્યાને દક્ષિણ આફ્રિકાના પ્રવાસ પર ટી-20 શ્રેણીમાં કેપ્ટનશિપ કરવાની તક પણ મળી અને તેણે ત્યાં પણ ટી-20 શ્રેણી 1-1થી બરાબર કરી. આનો અર્થ એ થયો કે સૂર્યાએ તેની કેપ્ટન્સીમાં હજુ સુધી એક પણ ટી20 સિરીઝ ગુમાવી નથી.
સુકાનીપદ હેઠળ પણ શાનદાર બેટિંગ કરી
આ સિવાય સુકાનીની જવાબદારી સંભાળ્યા બાદ સૂર્યાની બેટિંગમાં કોઈ ફરક કે દબાણ નથી આવ્યું, તેણે બેટ્સમેન તરીકે પહેલા કરતા વધુ સારું પ્રદર્શન કર્યું છે. હવે ભારતે અફઘાનિસ્તાન સામે ઘરઆંગણે 3 મેચની T20 શ્રેણી રમવાની છે. આવી સ્થિતિમાં અફઘાનિસ્તાન સામે ટીમ ઈન્ડિયાની કેપ્ટનશીપ કોણ કરે છે તે જોવું ખૂબ જ રસપ્રદ રહેશે. જો સૂર્યા કેપ્ટન છે, તો શું તે T20 વર્લ્ડ કપમાં ટીમ ઈન્ડિયાનું નેતૃત્વ કરશે? જો એમ હોય તો શું માત્ર 3 ટી-20 શ્રેણી પછી કેરેબિયન પીચો પર યોજાનાર વર્લ્ડ કપની જવાબદારી સોંપવી યોગ્ય છે? જો કે આ તમામ સવાલોના જવાબ ટીમ ઈન્ડિયાના પસંદગીકારો જ આપી શકે છે.
