અમદાવાદ / નિત્યાનંદની સાંઠગાંઠવાળી DPS સ્કૂલ સામે મોટી કાર્યવાહી, 400 વિદ્યાર્થીઓનું ટૅન્શન વધ્યું

• હાથીજણ DPS સ્કુલની માન્યતા અરજી રદ્દ
• પ્રાથમિક વિભાગ શરૂ કરવા માટે DPSએ કરી હતી અરજી
• પ્રાથમિક શિક્ષણ નિયમકે અરજીને ફગાવી 

સ્કૂલ સંચાલકોની બદદાનતને કારણે હાલ તો 400 વિદ્યાર્થીઓનું ભાવિ જોખમમાં મૂકાયું છે. પ્રાથમિક વિભાગ શરૂ કરવા માટે DPSએ અરજી કરી હતી. આ અરજીને  પ્રાથમિક શિક્ષણ નિયામકે ફગાવી દીધી છે. DPSને રૂપિયા 1 લાખનો દંડ ફટાકરવામાં આવ્યો છે. વાલીઓને અંધારામાં રાખી DPSએ એડમિશન આપ્યા હતાં. 

ઉલ્લેખનીય છે કે, આ વિદ્યાર્થીઓને DPS બોપલમાં શિફ્ટ કરવાની વાલીઓએ માંગ કરી હતી. વાલી મંડળે સ્કૂલના ટ્રસ્ટી ઉપરાંત આગેવાનો વિરુદ્ધ બાળકોના ભવિષ્ય સાથે ચેડા કરવા બદલ કોર્ટમાં જવાની ચિમકી ઉચ્ચારી હતી. નવેમ્બર 2019માં અમદાવાદના હાથીજણ વિસ્તારમાં નિત્યાનંદ મંજુલા શ્રોફ તેમજ DPS - દિલ્હી પબ્લિક સ્કૂલ કેમ્પસમાં ભાડે જમીન લઇને પોતાનો આશ્રમ ચલાવી રહ્યો હતો. 

શું છે સમગ્ર મામલો ? 

બેંગલુરૂના એક દંપત્તિએ અમદાવાદ આવીને નિત્યાનંદ વિરૂદ્ધ તેમના બાળકોને અપહરણ કરવાની ફરિયાદ દાખલ કરાવી હતી. ત્યારબાદ ભાંડો ફૂટ્યો હતો. નિત્યાનંદ આશ્રમમાં બાળકોને બંધક બનાવીને રાખતો હતો. બાળકોને ત્યા મા-બાપને મળવાની પરવાનગી પણ નહતી. બાળકોને ડરાવવામાં આવતા હતા કે મા-બાપને મળવા પર ગુરૂ શ્રાપ લાગશે. પોલીસે આશ્રમમાં રેડ કરી બંધક બાળકોને છોડાવ્યા હતા.

નવેમ્બર 2019માં વિવાદમાં આવી હતી સંસ્થા 

અગાઉ નવેમ્બર 2019માં શિક્ષણ વિભાગ DPS સ્કૂલમાં કથિત ભગવાન નિત્યાનંદે આચરેલા કૂકર્મોને શિક્ષણ વિભાગ અને ડીઇઓ રૂરલ અમદાવાદ ઘોળીને પી ગયું હતું. કૌભાંડની તપાસ કરતા જિલ્લા શિક્ષણ અધિકારીએ મામલાને રફે-દફે કરવા માટેનું તરકટ રચ્યુ હતુ. શાળામાં ચાલતા આશ્રમ અને બાળકોને ગોંધી રાખવા માટેની તપાસને ભરમાવવા માટે જમીનની NA જેવી બાબતમાં મંજૂલા શ્રોફ, હિતેન વસંત અને અનિતા દુઆ વિરૂદ્ધ અમદાવાદ રૂરલમાં ફરિયાદ દાખલ કરાવીને મામલાને બધી જ રીતે પતાવી દેવાનો કારસો રચવામાં આવ્યો હતો. 

શિક્ષણ વિભાગ પાસેથી NOC જ નહોંતુ લીધું

મંજૂલા શ્રોફને સહ આરોપી બનાવી દીધા હતા. અમદાવાદ ગ્રામ્યના વિવેકાનંદ પોલીસ સ્ટેશનમાં નોંધાયેલી ફરિયાદમાં આરોપી નંબર એક તરીકે DPSની પ્રિન્સિપાલ અનિતા દુઆ, બીજા નંબરે વસંત ટ્રાન્સપોર્ટના હિતેન વસંત અને ત્રીજા નંબરે મંજૂલા શ્રોફને રાખવામાં આવ્યા હતા. જોકે તે કેસમાં આરોપીઓને જામીન મળી ગયા હતા. ગુજરાતમાં CBSEની સ્કૂલ શરૂ કર્યાં પહેલા કોઈ પણ શૈક્ષણિક સંસ્થા કે ટ્રસ્ટને ગુજરાત સરકારની મંજૂરી લઈને શિક્ષણ વિભાગ પાસેથી NOC લેવાનું હોય છે. જો કે CBSE અને રાજ્ય સરકારના શિક્ષણ વિભાગે તપાસ કરતા સ્કૂલ પાસે NOC જ ન હોવાનું સામે આવ્યુ હતુ.