કોરોના દુનિયામાં / આ દેશમાં કોરોનાથી પરિસ્થિતિ ખરાબ, જાહેરમાં વાતચીત ન કરવાનું ફરમાન

• પ્રવાસીઓએ બસ, મેટ્રો અને સબવે કારમાં મોં બંધ રાખે,  ફોન પર વાતચીત કરવાનું ટાળે
• જાહેર પરિવહનના સાધનોમાં ખીચોખીચ ભીડ થતી હોવાથી ફ્રાન્સ સરકારે ફરમાન બહાર પાડવું પડ્યું
• જાહેર પરિવહનના સાધનોમાં સફર દરમિયાન લોકોએ ફજિયાતપણે માસ્ક પહેરવાનું રહેશે. 

ફ્રાન્સ સરકારની હેઠળની ફ્રાન્સ નેશનલ એકેડમી ઓફ મેડિસીને એક નિવેદન બહાર પાડીને એવું જણાવ્યું કે જાહેર પરિવહન સેવા જેવી કે બસ, મેટ્રો અને ટ્રેનમાં સફર કરનાર પ્રવાસીઓએ સફર દરમિયાન એકબીજા સાથે વાત કરવાનું અને ફોન પર વાતચીત કરવાનું બંધ કરવું જોઈએ. એકેડમીના મેમ્બર પેટ્રીક બેર્શેએ જણાવ્યુંકે જો સબવે કારમાં ફક્ત ત્રણ લોકો હોય તો કોઈ સમસ્યા નથી. પરંતુ જો પ્રવાસીઓ બે સેન્ટિમિટર કરતા ઓછા અંતરે હોય તો તેમણે એકબીજા સાથે વાતચીત ન કરવી જોઈએ અથવા તો તેમણે ફોન ન કરવા જોઈએ. 

ફ્રાન્સ સરકારે શા માટે આવું ફરમાન બહાર પાડવું પડ્યું
ફ્રાન્સમાં કોરોનાના કેસો વધી રહ્યાં છે. પૂર્વોત્તર શહેર લિયોનમાં વિન્ટર સેલ્સના પહેલા દિવસે ખરીદી માટે લોકોના ટોળેટોળા ભેગા થયા હોવાથી તથા જાહેર પરિવહનના સાધનોમાં લોકોની ખૂબ મોટી ભીડ ભેગી થતી હોવાથી સરકારે પ્રવાસીઓ માટે આ ફરમાન બહાર પાડવું પડ્યું હતું. સરકારે દ્વારા એવું પણ કહેવાયું છે કે જ્યાં માસ્ક પહેરવું શક્ય નથી ત્યાં જાહેર પરિવહનના સાધનોમાં સફર દરમિયાન લોકોએ ફજિયાતપણે માસ્ક પહેરવાનું રહેશે. પરંતુ પ્રવાસીઓએ એકબીજા સાથે અને ફોન પર વાતચીત કરવાનું બંધ કરવું જોઈએ.

ફ્રાન્સમાં 25 હજાર કરતા વધારે હોસ્પિટલમાં ભરતી 
રવિવાર સુધીમાં ફ્રાન્સમાં 25,686 કરતા વધારે લોકોની હોસ્પિટલમાં સારવાર ચાલી રહી છે તેમાંથી 2,852 લોકોની હાલત ગંભીર છે. ગત 24 કલાકમાં આ આંકડામાં ક્રમશ 119 અને 13 નો વધારો થયો હતો. અત્યાર સુધી અહીં કુલ 29.65 લોકો સંક્રમિત થઈ ચૂક્યા છે અને 71,652 લોકોના કોરોનાથી મોત થયા છે. સરકારના પ્રવક્તા ગ્રેબિએલે જણાવ્યું કે દેશમાં કોરોના પર કાબૂ મેળવવા માટે રાષ્ટ્રીય કરફ્યુ લગાડવામાંઆવી રહ્યો છે. દેશમાં નોન યુરોપીયન પ્રવાસીઓ માટે 72 કલાક પહેલા કોરોના નેગેટિવ રિપોર્ટ ફરજિયાત બનાવી દેવાઈ છે. દેશમાં આવ્યા બાદ પ્રવાસીઓ માટે 7 દિવસનું ક્વોરન્ટન ફરજિયાત બનાવાયું છે ત્યાર બાદ તેનો ફરી ટેસ્ટ કરવામાં આવશે અને નેગેટિવ હશે તો જ તેમને દેશમાં હરવા-ફરવા દેવાની છૂટ આપવામાં આવશે. 

વડાપ્રધાન જિન કાસ્ટેક્સે રવિવારે ટ્વિટ કરીને જણાવ્યું હતું કે ફ્રાન્સે અત્યાર સુધીમાં દશ લાખ લોકોને કોરોનાની રસી મૂકી છે. દેશમાં સવારના 6 વાગ્યાથી કરફ્યુ શરૃ થાય છે જે યૂરોપના દેશોમાં સૌથી લાંબો કરફ્યુ છે. રેસ્ટોરન્ટ્સ, બાર્સ અને પ્રવાસન સ્થળો તો છેક ઓક્ટોબરથી બંધ હાલતમાં છે.